ԱԱ-2026. Ֆրանսիայի հավաքականի հաղթանակի տոնակատարությունը վերածվել է ողբերգության

Ֆրանսիայի հավաքականի՝ ԱԱ-2026-ի կիսաեզրափակիչ դուրս գալու ուրախությունը ստվերվել է ողբերգական միջադեպով։ Երկրի հյուսիսում գտնվող Օնուա-Էմերի (Նոր դեպարտամենտ) համայնքում ազգային թիմի հաղթանակի տոնակատարության ժամանակ դժբախտ պատահար է գրանցվել, որը խլել է երիտասարդ աղջկա կյանք։ Այս մասին տեղեկանում ենք armsport.am կայքից։

Ինչպես հայտնում են ֆրանսիական La Voix du Nord և TF1 Info պարբերականները՝ վկայակոչելով տեղի ոստիկանությանը, միջադեպը տեղի է ունեցել Մարոկկոյի նկատմամբ տարած հաղթանակից անմիջապես հետո։ 17-ամյա երկրպագուհին որոշել է բարձրանալ մեծաբեռնատար մեքենայի թափքի վրա, սակայն կորցրել է հավասարակշռությունը, ընկել և հայտնվել տրանսպորտային միջոցի անիվների տակ։

Ժամանած բժիշկներին չի հաջողվել փրկել աղջկա կյանքը. ստացած ծանր վնասվածքներից նա տեղում մահացել է։ Դեպքի պահին աղջկա կողքին եղել են ևս վեց անչափահասներ. նրանցից մեկը շոկային վիճակում տեղափոխվել է հիվանդանոց։

Ոստիկանությունն արդեն հետաքննություն է սկսել՝ պարզելու դեպքի բոլոր հանգամանքները, իսկ բեռնատարի վարորդը ժամանակավորապես ձերբակալված է։

Հիշեցնենք, որ Բոսթոնում կայացած ԱԱ-2026-ի քառորդ եզրափակչի խաղում Ֆրանսիայի հավաքականը 2:0 հաշվով վստահ հաղթանակ է տարել Մարոկկոյի ընտրանու նկատմամբ: Հուլիսի 14-ին կայանալիք կիսաեզրափակչում ֆրանսիացիները ուժերը կչափեն Իսպանիա — Բելգիա զույգի հաղթողի հետ։ Իսկ այդ հանդիպումը կկայանա արդեն հուլիսի 10-ին:

Այս թեմայով ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Հայտնի է Գյումրիում տեղի ունեցած ողբերգության մասնակիցների ինքնությունը. նրանցից մեկը ծառայում է ՀՀ-ում տեղակայված ՌԴ զորամասում Հայաստանում Ֆրանսիայի դեսպան է նշանակվել Ֆլորիան Էսկյուդիեն Դատարանը կարող է հրաժարվել գործը քննելուց միայն օրենքով նախատեսված հիմքով, բայց չի կարող հրաժարվել արդարադատություն իրականացնելուց Թրամփը պատրաստվում է հայտարարել «հաղթանակի» մասին և զորքերը դուրս բերել Իրանից