Այսօրվանից ուժի մեջ է մտնում «ծնողական ժամ» կարգավորումը

ՀՀ աշխատանքի և սոցիալական հարցերի նախարարությունից հայտնում են, որ այսօրվանից ուժի մեջ է մտնում «ծնողական ժամ» կարգավորումը։

«Ի՞նչ է սա նշանակում։

Աշխատող ծնողները (այդ թվում՝ խնամատար ծնողը, որդեգրողը և խնամակալը) կարող են աշխատանքային օրվա ընթացքում ժամանակավորապես բացակայել՝ երեխայի խնամքի, դաստիարակության, կրթական գործընթացներին մասնակցելու կամ երեխայի շահերից բխող այլ կարևոր հարցերով զբաղվելու համար։

Ինչպե՞ս է գործելու նոր կարգավորումը։

Ծնողական ժամը տրամադրվում է հետևյալ ծավալով․

մինչև 12 տարեկան 1 կամ 2 երեխա ունեցող ծնողին՝ օրական մինչև 30 րոպե,

• մինչև 12 տարեկան 3 և ավելի երեխա ունեցող ծնողին՝ օրական մինչև 1 ժամ,

• մինչև 18 տարեկան ֆունկցիոնալության ծանր կամ խորը սահմանափակում ունեցող երեխայի ծնողին՝ օրական մինչև 1 ժամ՝ անկախ երեխաների թվից։

Ինչպե՞ս օգտվել։

Ծնողական ժամը տրամադրվում է աշխատողի գրավոր դիմումի հիման վրա, և գործատուն չի կարող մերժել այն։

Կարևոր է իմանալ։

Ծնողական ժամի կիրառման ընթացքում պահպանվում է աշխատողի հիմնական աշխատավարձը, իսկ գործավարձով վարձատրվողների դեպքում՝ միջին աշխատավարձը (բացառությամբ պարգևատրման գումարների)»։

Այս թեմայով «Պիկ ժամին 2 մլն-ից ավել մարդ կա Երեւանում».Ավինյանը զայրացավ Կիևի չդադարող հարձակման տակ է արդեն մոտ 90 ժամ. Ուկրաինական աղբյուրներ «Հրապարակ»․ Ինքնասպան է եղել ատեստավորումից մի քանի ժամ անց Այսօր նախ երազանք պահեք, այդ նպատակով օգտագործեք օրվա ոսկե րոպեները՝ 07։07 և 19։07 Իշխանությունն այսօր ունի մի կարգախոս՝ բացի մեզանից, բոլորը սխալ են. Ավագանու անդամը՝ Երեւանը «ապամոնտաժելու» մասին