Արտակ Զեյնալյանի սիրտը հրապարակային ներողություն կուզե

Սահմանադրական դատարանում ընդդիմության հարուցած հայցի քննության շրջանակներում լրատվամիջոցները ճեպազրույց ֆորմատով հարցեր էին ուղղել ՍԴ գրեթե բոլոր անդամներին, այդ թվում և Արամ Սարգսյանի «Հանրապետություն» կուսակցության երբեմնի անդամ Արտակ Զեյնալյանին: Օրեր առաջ 24News-ի խմբագրությունը Զեյնալյանի ներկայացուցչից նամակ ստացավ առ այն, թե ֆեյսբուքյան մեկնաբանություններ բաժնում ինչ-որ մի օգտատեր նրան վիրավորել է, ուստի և Զեյնալյանը՝ հղում անելով զանազան օրենքներին ու ակտերին, պահանջում է ջնջել այն ու ներողություն խնդրել, որ չենք հեռացրել ի սկզբանե:

Մի կողմ ենք թողնում այն հանգամանքը, որ ծանրաբեռնված լրահոսի մեջ նման բաները հնարավոր են, պետք էր ընդամենը առանց իրավաբանական խուճուճ հղումների կապվել խմբագրության հետ, ու մենք, իբրև պատասխանատու լրատվամիջոց, ում համար անընդունելի է ցանկացած վիրավորանք, կհեռացնեինք այն: Ինչևիցե, նամակ ստանալուց հետո 24News-ի խմբագիրն անձամբ հեռացրել էր մեկնաբանությունն ու նամակով ներողություն էր խնդրել բացթողման համար:

Կարծում էինք, որ այսքանով հարցը փակվել է:

Բայց ոչ, պարոն Զեյնալյանի սիրտը հրապարակային ներողություն կուզե՝ այդպես փոխանցեց մեզ նրա ներկայացուցիչը: Ինչպես ասում են, այստեղ արդեն հոպ, պարոն Զեյնալյան: 24News-ը ձեզ չի վիրավորել, մենք ուղղակի չենք նկատել գրված վիրավորական մեկնաբանությունը, այն հեռացրել ենք ու նամակով էլ ներողություն ենք խնդրել մեր բացթողման համար: Եթե ՍԴ անդամի խնդիրն է ուղղակի լրատվամիջոցին դատի տալ և փորձել ինչ-որ գումար կորզել, ապա թող դատի տա, մենք էլ պատշաճ կլուսաբանենք այն ու կպաշտպանվենք դատարանում:

Նյութը` 24news.am-ի

https://24news.am/nerkin-kyank/557155/

Այս թեմայով Աշխարհը պտտվում է երեք գերտերությունների շուրջ՝ ԱՄՆ, Չինաստան, Ռուսաստան. Արտակ Զաքարյան ԱՄՆ-Իրան հակամարտության ռազմական նոր փուլը կվերսկսվի՞, թե՞ ոչ․ Արտակ Զաքարյան Ինչպե՞ս առաջ գնալ՝ խուսափելով պատրանքներից և պաշտպանել պառակտվող անկախ պետականությունը․ Զաքարյան Թե բա 82 միլիոն դրամ էլ դեռ ես եմ ներդրել փողոցի լայնացման և բորդուրների համար Եթե Արցախի կորստից դասեր չքաղենք, կարող ենք կորցնել նաև Հայաստանի պետականությունը. Արտակ Զաքարյան