Ուկրաինական բանակի համար ծայրահեղ բարդ իրավիճակ է ստեղծվել ամենակարեւոր ռազմաճակատներից մեկում

Ուկրաինական բանակի համար ծայրահեղ բարդ իրավիճակ է ստեղծվել ամենակարեւոր ռազմաճակատներից մեկում` Դոբրոպոլեի հատվածում:

Նախօրեին ռուսական ուժերը Դոբրոպոլեի արեւելյան հատվածում խորը ճեղքումով դուրս եկան քաղաքի անմիջական մատույցներ: Ու հիմա սկսել են ակտիվորեն ընդլայնել ճեղքման գոտին հյուսիսային եւ հարավային ուղղություններով: Ներկա պահին Դոբրոպոլեի գործնականում ողջ արեւելյան գոտին արդեն ռուսական վերահսկողության տակ է:

Սակայն ուկրաինական կողմի հիմնական խնդիրն ամենեւին էլ սա չէ: Այլ, որ ռուսական ուժերը լայն ճակատով գրոհում են Դոբրոպոլեից Կրամատորսկ տանող մայրուղին (Քարտեզ 1): Ուկրաինական ուժերը հիմնականում կաշկանդված են Դոբրոպոլեի մերձակա գոտինեում` դեպի արեւելք եւ հարավ, եւ հյուսիսը համեմատարաբ թույլ օղակ է դարձել: Այս ուղղությամբ էլ հարվածելով, ռուսները սպառնում են Դոբրոպոլե - Կրամատորսկ մայրուղին փակելու դեպքում հետագա հարվածը շարունակել դեպի հյուսիս (Քարտեզ 2): Դա շատ լուրջ սպառնալիք է, որ համեմատաբար անպաշտպան գոտիներով ռուսները կարող են դուրս գալ Սլավյանսկ - Կրամատորսկ անգլոմերացիայի արեւմտյան թիկունք: Այն դեպքում, երբ ակտիվ հարձակում է ընթանում անգլոմերացիայի մյուս երեք ուղղություններում:

Եթե ուկրաինական կողմը չկարողանա գտնել բավականաչափ ռեզերվներ այս վտանգը կանխելու համար, ապա այս օպերացիան բեկումնային կարող է դառնալ ողջ պատերազմի համար:

Տե´ս նաեւ https://t.me/iravunk/69486 

Այս թեմայով The New York Times. ԱՄՆ-ն հսկայական ճնշում է գործադրում Թուրքիայի և Իրաքի վրա՝ Իրանի սահմանը փակելու համար «Փաստ». Հաշվեհարդար քաղաքական այլախոհության համար Ուկրաինական անօդաչուները խոշոր հարձակում են իրականացրել Լենինգրադի մարզում «Իզմիրլյան» բկ-ի անոթային բաժանմունքը նոր ղեկավար ունի Պենտագոնը պատրաստում է արտակարգ ծրագիր համաշխարհային պատերազմի համար