Զրո հարաբերություն ունեմ Գագիկ Ծառուկյանի հետ, բայց ինչ այսօր արվեց նրա նկատմամբ, այլանդակություն է. Արսեն Ջուլֆալակյան

Բացարձակ իրավական ամենաթողություն և պետական բոլոր ինստիտուտների տոտալ վերահսկողության։

 

2020թ-ի փետրվարից զրո հարաբերություն ունեմ Գագիկ Ծառուկյանի հետ: Հանդիպել ենք մեկ անգամ Փարիզում, երբ եկել էր ըմբշամարտի մրցումները դիտելու: Հայտնի է, որ նույն քաղաքական հայացքների կրող չենք: Առհասարակ, շատ տարբեր ենք մեր մոտեցումներում թե՛ քաղաքականության մեջ, թե՛ սպորտում: Այն, ինչ այսօր արվեց Գագիկ Ծառուկյանի նկատմամբ, այլանդակություն է։ Եվ սա միայն նրան չի վերաբերում, այլ ցույց է տալիս պետության կողմից տարրական մարդկային վերաբերմունքի բացակայությունն իր քաղաքացու հանդեպ։

 

Տասնյակ ուժայիններով գետնել 70-ամյա մարդուն՝ իր տանը, երբ նա միայնակ է, չի դիմադրում և պատրաստ է հանգիստ ենթարկվել օրինական պահանջներին, ստորության գագաթնակետն է։ Սա հիվանդ, բարոյազուրկ և թույլ մարդկանց փորձն է՝ ուժի ցուցադրությամբ քողարկելու սեփական ոչնչությունը։ Նման մարդկանց վերջը շատ ավելի ծանր է լինելու», - գրել է ՀՀ ԱԺ 7-րդ գումարման պատգամավոր, հունահռոմեական ոճի ըմբիշ, Աշխարհի չեմպիոն, Աշխարհի գավաթի հաղթող, Եվրոպայի չեմպիոն, պատմական գիտությունների թեկնածու ԱՐՍԵՆ ՋՈՒԼՖԱԼԱԿՅԱՆԸ: