Կենդանին քաղաքականության զոհ դարձավ

ԲՀԿ առաջնորդ Գագիկ Ծառուկյանի առանձնատանը քնեցված եւ Կենդանաբանական այգի տեղափոխված 3 առյուծներից մեկը չի արթնացել, անկել է։ Մարդկային դաժանության սահմանը չափել անհնար է: Կենդանին քաղաքական զոհ դարձավ: Ինչ ճակատագրի կարժանան այն մնացած կենդանիները, «Իրավունք»-ը պարզել է բնապահպան ՍԻԼՎԱ ԱԴԱՄՅԱՆԻ տեսակետը:

— Գագիկ Ծառուկյանի կենդանաբանական այգու կենդանիներին քնեցրեցին, տարան,  որը շատ զարհուրելի տեսարան էր: Ինչպե՞ս կմեկնաբանեք այս երեւույթը։

— Նախ պետք է հստակեցնել, թե պարոն Ծառուկյանն ինչպե՞ս է ձեռք բերել այդ կենդանիներին, ունի՞ արդյոք փաստաթղթեր: Հորդորում եմ փաստաբաններին անմիջապես ներկայացնել փաստաթղթերը, եթե առկա են դրանք։ Եթե կա լիցենզիա, սեփական փոքրիկ կենդանաբանական այգի ունենալու եւ պահելու պայմանները համապատասխանում են ստանդարտներին, ապա ոչ մեկն իրավունք չուներ կենդանիներին այդ տարածքից տեղափոխելու։ ՀՀ օրենքը դեռ չի արգելում մասնավոր կենդանաբանական այգիներ ունենալ՝ միայն մեկ պայմանով, որ բոլոր փաստաթղթերը լինեն տեղում:

— Ցավոք, տեղեկացանք, որ առյուծներից մեկը չի արթնացել...

— Կարծում եմ՝ սա դաժանության վերջին գագաթնակետն է, բարբարոս վերաբերմունքի հետեւանք, քաղաքական ամբիցիաները վեր դնելու ամեն տեսակի հումանիստական վերաբերմունքից։ Մարդիկ իրենց քաղաքական ամբիցիաների համար պատրաստ են ամեն տեսակի կեղտոտության եւ հանցագործության։ Սա հանցագործություն է եւ, հավատացեք, մենք այս հարցը այսպես չենք թողնելու։ Ես հիմա մեր իրավաբանների հետ կխոսեմ եւ կարծում եմ՝ պետք է ինչ-որ բան անպայման ձեռնարկել։ Սա դաժան եւ սեփական աթոռի ու քաղաքական ամբիցիաների համար քայլ էր։ Չեմ զարմանում, եթե մարդկանց հետ են նման կերպ վարվում, ապա կենդանիներ իրենց համար ոչինչ են։

ՆԱՆԱ ՍԱՐԳՍՅԱՆ

Այս թեմայով Ովքեր են ՔՊ ցուցակի առաջին 50 հոգին .ՑԱՆԿ Մենք լուռ շատ միավորվողներ ունենք, որոնք ամեն վայրկյան սպասում են հարցի դրական լուծմանը. Սիոն արքեպիսկոպոս Ադամյան Սարգիս Ադամյանի գոլային փոխանցումների սունկը(տեսանյութ) 2018-ից այս կողմ Երևանի օդը գտնվում է SOS վիճակում. Բնապահպանը ահազանգում է Չեզոքություն պահեք. Սիոն արքեպիսկոպոսը հրահանգ է իջեցրել թեմի հոգեւորականներին