Բելառուսի, Ղազախստանի, Ղրղզստանի և Հայաստանի բանկերը սկսել են սահմանափակել հաշվեհամարներին ռուբլու մուտքագրումը

ԵԱՏՄ բանկերը բախվել են ռուսական ազգային արժույթի ավելցուկի խնդրին, որը դժվար է օգտագործել հաշվարկներում և թանկ է սպասարկել։ Արդյունքում ֆինանսական կառույցները սկսել են միջնորդավճարներ և սահմանափակումներ մտցնել՝ կանխիկ ռուբլու մուտքագրման համար։ Եվրասիական տնտեսական միության որոշ երկրների բանկեր հունիսից սկսել են խստացնել ռուսական ռուբլով կանխիկ միջոցների մուտքագրման պայմանները, նկատել է РБК-ն։

Օրինակ՝ Բելառուսում առնվազն ութ բանկ արդեն սահմանել է 2–5% միջնորդավճար՝ ոչ ռեզիդենտների հաշվին կանխիկ ռուբլի մուտքագրելու համար։ Նման բանկերի թվում են՝ «Ալֆա-բանկ», «Բելառուսբանկ», «ԲելՎԷԲ», «ԲՆԲ-բանկ», «ՄՏԲանկ», «Սբերբանկ», «Տեխնոբանկ» և «Ցեպտեր Բանկ»։

Նման քայլ է արել նաև Ղազախստանի «Բանկ ЦентрКредит»-ը, որը սահմանել է 5% միջնորդավճար՝ ոչ ռեզիդենտների համար կանխիկ ռուբլու ընդունման համար՝ թե՛ դրամարկղերում, թե՛ տերմինալներում և բանկոմատներում, նշվում է մամուլի հաղորդագրությունում։

Ղրղզստանի «Էկոիսլամիկբանկ»-ը նույնպես հայտնել է, որ 5% միջնորդավճար է սահմանել ինչպես կանխիկ ռուբլու մուտքագրման, այնպես էլ SWIFT փոխանցումների համար։

Միաժամանակ, որոշ հայկական բանկեր ընդհանրապես դադարեցրել են կանխիկ ռուսական ռուբլու հետ գործառնությունները, այդ թվում՝ դրանց մուտքագրումը հաշիվներին։

FTL Advisers-ի բանկերի հետ աշխատանքի ղեկավար Օլգա Բուրցևան նշել է, որ անկանխիկ ռուբլով գործարքները շարունակում են իրականացվել նախկին պայմաններով, ինչը վկայում է, որ խնդիրը հիմնականում կապված է հենց կանխիկ փողի հետ։

Պաշտոնական տվյալներով՝ ոչ Բելառուսի, ոչ Ղազախստանի, ոչ էլ Ղրղզստանի բանկերը դեռ չեն հայտնել անկանխիկ ռուսական ռուբլու գործարքների սահմանափակումների մասին։

Այս թեմայով Հայաստանի իշխանությունը ներկայացնողները դավաճանել են մի բուռ հայ ժողովրդին ու մտադիր են ոչնչացնել նրան ՆԱՏՕ-ն պատրաստվում է պատերազմ սկսել Ռուսաստանի հետ 2029թ.-ին. ՌԴ ԱԳՆ Նախկին վարչապետի ընտանիքը սգում է ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Ռուսաստանը շատ ավելի ազդեցիկ է, քան Ադրբեջանն ու Թուրքիան, հետևաբար Ռուսաստանի հետ ևս պետք է զգույշ լինել