45-ամյա Ռոնալդինյոն հաստատել է իր սենսացիոն վերադարձը ֆուտբոլ

Բրազիլացի լեգենդար ֆուտբոլիստ Ռոնալդինյոն մեկնաբանել է իտալական Սերիա C-ն ներկայացնող «Ռավեննայի» կազմում խաղադաշտ վերադառնալու մասին շրջանառվող լուրերը: Նշենք, որ աստղային ֆուտբոլիստն ավելի վաղ պայմանագիր էր կնքել իտալական ակումբի հետ: Այս մասին գրում է armsport.am-ը։

Պատասխանելով այն հարցին, թե արդյոք նա դառնալու է «Ռավեննայի» լիարժեք խաղացող և հանդես է գալու թիմի կազմում՝ 45-ամյա նախկին կիսապաշտպանը տվել է դրական պատասխան.

«Այո՛, դա ճիշտ է։ Ասենք այսպես՝ սա ինձ համար նույնպես նոր մարտահրավեր է։ Ես անպայման մի քանի րոպե կանցկացնեմ պաշտոնական խաղում, որից հետո արդեն կտեսնենք, թե ինչպես ինձ կզգամ»,– Ռոնալդինյոյի խոսքերն է մեջբերում Tribal Football-ը։

Հիշեցնենք, որ իր փառահեղ կարիերայի ընթացքում Ռոնալդինյոն հանդես է եկել այնպիսի հանրահայտ ակումբներում, ինչպիսիք են «Գրեմիոն», ՊՍԺ-ն, «Բարսելոնան», «Միլանը», «Ֆլամենգոն», «Ատլետիկո Մինեյրոն», «Կերետարոն» և «Ֆլումինենսեն»:

Բրազիլիայի ազգային հավաքականի կազմում նա դարձել է Աշխարհի առաջնության, Ամերիկայի գավաթի և Կոնֆեդերացիաների գավաթի հաղթող: Կատալոնական «Բարսելոնայի» հետ Ռոնալդինյոն նվաճել է Չեմպիոնների լիգայի գավաթը, երկու անգամ հաղթել Լա Լիգայում և ՈւԵՖԱ-ի Սուպերգավաթում: Իսկ «Միլանի» կազմում բրազիլացին հռչակվել է Իտալիայի չեմպիոն:

Այս թեմայով Բա ո՞վ է արգելել նրա ելքը. ԶԱՐՄԱՆՔ Ռոնալդինյոն եկավ Հայաստան, ու ոչ ոք հարց չտվեց՝ ինչո՞ւ Լեոն ամեն ինչ ունի, ու կարիք չկար, որ ես նրան ինչ-որ բան տայի.Ռոնալդինյո Ռոնալդինյո. «Բոլորս պետք է աղոթենք, որ ապագայում որևէ մեկն ունենա Մեսսիի որակների գոնե կեսը» Ռոնալդինյո. Կաջակցեմ Մեսսիին, եթե նա որոշի հեռանալ «Բարսելոնայից»