Ռուսական ուժերը երկու առանցքային բնակավայր են գրավել Զապորոժեի արեւելյան ճակատում (Քարտեզ)

ՌԴ Պաշտպանության նախարարությունը հաղորդում է երկու կարեւոր բնակավայրերի գրավման մասին: Խոսքը Դնեպրոպետրովսկի մարզի Պիզանցիի և Զապորոժիեի մարզի Նովոսելիվկայի մասին է։

Չնայած խոսքը տարբեր մարզերի մասին է, սակայն այս երկու բնակավայրերը նույն ճակատում են եւ նույն տրամաբանության մեջ (Քարտեզում):

Այսպես, երեկ ռուսները գրավեցին Նովոսկելեվատոեն` Պոկրովսկոե առանցքային բնակավայրի հատվածում: Պիզանցին դրա հաջորդ բնակավայրն է, որը գրավելով, ռուսական ուժերը հիմնվում են Վոլչա գետի հարավային թեւում: Գետանցումը եւ Պոկրովսկոեի վրա գրոհը համարվում է քիչ հնարավոր տարբերակը: Բայց փոխարենը, գրավելով Նովոսկելեվատոեն եւ Պիզանցին, ռուսական ուժերն ամրանում են Պոկրովսկոե-Զապորոժե ռազմավարական մայրուղու վրա: Եվ հիմա, շատ ավելի հավանական է, որ հետագա հարձակումը կզարգացնեն այդ մայրուղով դեպի Զապորոժեի մարզի հյուսիսային գոտի` թեւն ապահովելով Վոլչա գետով:

Երկրորդը` Նովոսելիվկան նույն` Զապորոժեի արեւելյան ճակատի հարավային թեւի կարեւոր բնակավայերից է` Գուլյայպոլսկոեի արեւմուտքում: Այսինքն, եւս մեկ նման ճեղքում եւ ռուսական ուժերը դուրս կգան Օմելինիկ` Օրեխովոյի հիմնական մայրուղի եւ թիկունք:

Ընդհանուր պատկերը սա է: Զապորոժեի արեւելյան ճակատում ռուսական ակտիվ հարձակումը ուկրաինական կողմին ստիպեց լուրջ ռեզերվներ նետել այս ուղղությունը, ընդ որում, մի շարք առանցքային հատվածների հաշվին: Վերջին շաբաթներին այստեղ ողջ ճակատով ընթանում էին դաժան հանդիպակաց մարտեր: Ու հիմա, երբ ռուսական ուժերը նկատելի առաջխաղացում են իրականացնում, դա ակնարկ է, որ ուկրաինական ռեզերվներն էապես մաշվել են, որն ազդել է պաշտպանական հնարավորությունների վրա:

Այսինքն, եթե այս դինամիկան պահպանվի, ռուսական ուժերը դուրս կգան Օրեխովո-Նովոնիկոլաեւկա մայրուղու երկայնքով ձգվող ուկրաինական պաշտպանական բնագիծ (Քարտեզ 2): Ավելին, Նովոսելիվկան այդ բնագծի մեկնարկային կետն է հարավում: Այն հապճեպ կառուցված է, անցած ձմեռվանից սկսած: Գումարած, այն այս ուղղությամբ ուկրաինական վերջին կառուցապատված բնագիծն է: Այն անցելու դեպքում, ռուսական ուժերը ոչ միայն դուրս են գալիս Օրեխովոեի ճակատում ուկրաինական պաշտպանության թիկունք: Այլ նաեւ այդ լայն` գործնականում Զապորոժեի մարզում ուկրաինական վերահսկողության ողջ գոտով ձգվող ճակատով կարող են հետագա հարձակումը զարգացնել մինչեւ մարզկենտրոն Զապորոժե:

Տես նաեւ https://t.me/iravunk/69025 

Այս թեմայով Տեսախցիկը ֆիքսել է ռուսական հարվածի պահը հերթական էներգետիկ օբյեկտին (Տեսանյութ) Ռուսական ռազմական հետախուզության ղեկավարն անսպասելի այցելել է Իսրայել «Հրապարակ»․ Փաշինյանը երկու վճռորոշ ճակատամարտի է պատրաստվում Եվրոպայում պատրաստ են փոխզիջման գնալ Ռուսաստանի հետ, եթե ռուսական սառեցված փողերը ստանան Ռուսական առնվազն 7 հրթիռային անօդաչուները Կրիվոյ Ռոգում ոչնչացրել են 330 կՎ հիմնական ենթակայանը