Սերմը նույնն է, հողն է տարբեր, Աստծո խոսքը նույնն է, մարդն է տարբեր. Տեր Մանուկ

Դարերի խորքից մեզ հասած Կարմրավոր Սուրբ Մարիամ Աստվածածին եկեղեցին, իր նվիրական ներկայությամբ և սրբությամբ, դարձել է միասնական ժամերգության հանգրվանը:

Արագածոտնի թեմի վարչական խորհրդի ատենապետ Հոգեշնորհ Տեր Շնորհք աբեղա Պալոյանի հանդիսապետությամբ Կարմրավոր Սուրբ Մարիամ Աստվածածին եկեղեցում կատարվել է միասնական ժամերգությունը:

Ընթացս Ժամերգության՝ իր խոսքը ներկաներին փոխանցել է Կարմրավորի հովվության հոգևոր հովիվ՝ Արժանապատիվ Տեր Մանուկ քահանա Զեյնալյանը:

Տեր Հայրը հորդորել է շատ աղոթել. «Սերմը նույնն է, հողն է տարբեր։ Աստծո խոսքը նույնն է, մարդն է տարբեր, մենք ենք այլ։ Աղոթենք, որ Տերը մեզ դարձնի բերրի հող։ Սերմը աղոթքի, սիրո, փորձություների, նույնիսկ ապիկար մարդկանց միջոցով է:

Շարունակեք, լցված Սուրբ Հոգով, աղոթել հոգու փրկության համար»:

Թող Տիրոջ առատ ողորմությունն ու Սուրբ Աստվածածնի բարեխոսությունը մշտապես հովանի լինեն մեր հայրենիքին և Սուրբ Եկեղեցուն։

Հուլիսի 3-ին՝ ժամը 19:00-ին, միասնական ժամերգությունը տեղի կունենա Ագարակ գյուղի (Աշտարակի շրջան) խոնարհված Սուրբ Աստվածածին եկեղեցում:

Այս թեմայով Պիղատոսները Հիսուսին խաչեցին, բայց չհաղթեցին. հոգևորականներին էլ կարող են խաչել, բայց հաղթել՝ երբեք․ Տեր Առաքել Աստծու անունը կարելի է արտասանել նույնիսկ այն ժամանակ, երբ մարդու սիրտը հեռու է նրա կամքից. Տեր Իսահակ Վարդավառը լույսի, հաղթանակի տոն է, իսկ լույսը երբեք չի համակերպվում խավարի, կեղծիքի և անարդարության հետ Հայտնի է՝ այս տարի երբ կնշվի Հիսուս Քրիստոսի պայծառակերպության տոնը՝ Վարդավառը