Նիկոլի իշխանությունը լեգիտիմ չէ 2018 թ․-ից

Իսկ հե­տո նաեւ՝ կեղծ­ված ընտ­րութ­յուն­նե­րի հիմ­քով…

­Հա­յաս­տա­նի վար­չա­պե­տի պաշ­տո­նը զբա­ղեց­նող Նի­կոլ հա­յա­դա­վի իշ­խա­նութ­յու­նը լե­գի­տիմ չէ 2018թ. իշ­խա­նութ­յու­նը զավ­թե­լու ա­ռա­ջին իսկ օր­վա­նից, իշ­խա­նա­զավթ­ման փաս­տը վկա: Հե­տա­գա­յում եւս Նի­կո­լի իշ­խա­նութ­յու­նը պահ­պա­նեց իր ոչ լե­գի­տիմ կար­գա­վի­ճակն ընտ­րութ­յուն­նե­րի արդ­յունք­նե­րի կեղծ­մամբ: 2026թ. ընտ­րութ­յուն­նե­րը բա­ցա­ռութ­յուն չէին, ինչ­պես 2021թ. ընտ­րութ­յուն­նե­րի արդ­յունք­նե­րը. 2026թ. հու­նի­սի 7-ի ընտ­րութ­յուն­նե­րի արդ­յունք­նե­րը նույն­պես կեղծ­վել են, զու­գա­հե­ռա­բար գոր­ծի են դրվել լայ­նա­մասշ­տաբ ընտ­րա­խախ­տում­ներ, ո­րոնք նույն­պես չէին կա­րող ի­րենց էա­կան ազ­դե­ցութ­յու­նը չու­նե­նալ հօ­գուտ «Քա­ղա­քա­ցիա­կան պայ­մա­նա­գիր» կու­սակ­ցութ­յան:

­Միով բա­նիվ՝ Նի­կո­լի իշ­խա­նութ­յու­նը մի քա­նի հիմ­քով զուրկ է լե­գի­տի­մութ­յու­նից, Հա­յաս­տա­նում իշ­խա­նութ­յու­նը Նի­կո­լի եւ իր ոհ­մա­կի կող­մից ու­զուր­պաց­ված է, սահ­մա­նադ­րա­կան կար­գը` տա­պալ­ված: Հե­տե­ւա­բար ներ­կա­յիս ընդ­դի­մութ­յան ա­ռաջ­նա­հերթ խնդիրն է գրե­թե ցան­կա­ցած մի­ջո­ցով տա­պալ­ված սահ­մա­նադ­րա­կան կար­գի վե­րա­կանգ­նու­մը (հաս­կա­ցո­ղը հաս­կա­ցավ), իսկ դրա ցան­կութ­յան բա­ցա­կա­յութ­յան կամ ան­կա­րո­ղութ­յան դեպ­քում ինք­նա­լու­ծա­րու­մը՝ ընդ­դի­մութ­յան կար­գա­վի­ճա­կից հրա­ժա­րու­մը եւ այդ մա­սին հա­մա­պա­տաս­խան քա­ղա­քա­կան հայ­տա­րա­րութ­յամբ հան­դես գա­լը:

­Վեր­ջին խորհր­դա­րա­նա­կան ընտ­րութ­յուն­նե­րի հետ կապ­ված` ընտ­րա­խախ­տում­ներն այն­քան շատ ու բազ­մա­կող­մա­նի են ե­ղել, որ նույ­նիսկ ԵԱՀԿ-ի ա­ռա­քե­լութ­յու­նը, որ­պես­զի աշ­խար­հում չխայ­տա­ռակ­վի հօ­գուտ ՔՊ-ի իր ա­չա­ռու դիր­քո­րոշ­ման հա­մար, ստիպ­ված է ե­ղել հայ­տա­րա­րել, որ ար­ձա­նագր­վել են սպառ­նա­լիք­ներ, ընտ­րա­կա­շառք, վար­չա­կան ճնշում­ներ եւ կողմ­նա­կալ մե­դիա մի­ջա­վայր:

ԵԱՀԿ-ի նախ­նա­կան զե­կույ­ցի հա­մա­ձայն՝ Հա­յաս­տա­նում անց­կաց­ված խորհր­դա­րա­նա­կան ընտ­րութ­յուն­նե­րի նա­խընտ­րա­կան քա­րո­զար­շա­վի ըն­թաց­քում հրա­պա­րա­կայ­նո­րեն սպառ­նա­ցել են ընդ­դի­մա­դիր թեկ­նա­ծու­նե­րին եւ օգ­տա­գոր­ծել վի­րա­վո­րա­կան ար­տա­հայ­տութ­յուն­ներ։ Ինչ­պես նշել են դի­տորդ­նե­րը, նման ար­տա­հայ­տութ­յուն­ներ են հնչել նաեւ Ար­ցա­խից տե­ղա­հան­ված հայ փախս­տա­կան­նե­րի հաս­ցեին։

ԵԱՀԿ փաս­տաթղ­թում նշված է նաեւ, որ Նի­կոլն ա­ռան­ձին դեպ­քե­րում հրա­պա­րա­կայ­նո­րեն սպառ­նա­ցել է ընդ­դի­մա­դիր թեկ­նա­ծու­նե­րին ի­րենց պատ­կա­նող ըն­կե­րութ­յուն­նե­րի նկատ­մամբ հե­տաքն­նութ­յամբ ու դրանց ազ­գայ­նաց­մամբ: Ընդ ո­րում, ազ­գայ­նաց­ման ըն­թա­ցա­կար­գե­րի մի մա­սը, ինչ­պես հե­տե­ւում է զե­կույ­ցից, սկսվել է դե­ռեւս նա­խընտ­րա­կան քա­րո­զար­շա­վի մեկ­նար­կից ա­ռաջ։ Զե­կույ­ցում նաեւ ար­ձա­նագր­վել է վար­չա­կան ճնշում պե­տա­կան հիմ­նարկ­նե­րի աշ­խա­տա­կից­նե­րի նկատ­մամբ՝ իշ­խա­նութ­յուն­նե­րի կող­մից կազ­մա­կերպ­վող մի­ջո­ցա­ռում­նե­րին նրանց մաս­նա­կից դարձ­նե­լու նպա­տա­կով։

Ընտ­րութ­յուն­նե­րի արդ­յունք­նե­րը կեղծ­վել են, կեղծ­վել են տեխ­նի­կա­պես, բո­լոր հնա­րա­վոր ե­ղա­նակ­նե­րով, նե­րառ­յալ՝ քվեա­թեր­թիկ­նե­րի հետ մա­նի­պուլ­յա­ցիա­նե­րով: Ընտ­րութ­յուն­նե­րի ներ­կա­յիս հա­մաշ­խար­հա­յին պրակ­տի­կա­յին բա­վա­րար ծա­նոթ չեմ, բայց Հա­յաս­տա­նի պատ­մութ­յան մեջ չի ե­ղել ո­րե­ւէ դեպք, որ հաշ­վար­կը գի­շե­րը դա­դա­րեց­նեն եւ ա­ռա­վո­տը շա­րու­նա­կեն:

­Հա­մա­ցան­ցում վեր­ջին շրջա­նում շատ տա­րած­վեց ԱՊՀ դի­տոր­դա­կան ա­ռա­քե­լութ­յան հայ­տա­րա­րութ­յու­նը, որ ընտ­րութ­յուն­ներն ըն­թա­ցել են բազ­մա­կու­սակ­ցա­կան հիմ­քով, ե­ղել են բաց եւ մրցակ­ցա­յին: Ո­մանք սրա­նով փորձ ա­րե­ցին թի­րա­խա­վո­րել Մոսկ­վան, թե Ռու­սաս­տա­նի ղե­կա­վա­րութ­յու­նը, չնա­յած բազ­մա­թիվ ընտ­րա­կեղ­ծիք­նե­րին եւ այլ ընտ­րա­խախ­տում­նե­րին, տե­սեք-տե­սեք, Նի­կո­լի, Նի­կո­լենց կողմն է: Բայց ի­րա­կա­նութ­յու­նը բնավ դա չէ: Նախ՝ ԱՊՀ-ն Ռու­սաս­տա­նը չէ, Ռու­սաս­տանն ԱՊՀ ան­դամ­նե­րից ըն­դա­մե­նը մեկն է, հա­մա­գոր­ծակ­ցութ­յան կազ­մում 9 մաս­նա­կից պե­տութ­յուն կա՝ Ադր­բե­ջան, Հա­յաս­տան, Բե­լա­ռուս, Ղա­զախս­տան, Ղրղզս­տան, Ռու­սաս­տան, Տա­ջիկս­տան, Թուրք­մենս­տան, Ուզ­բեկս­տան:

Երկ­րորդ. ընտ­րութ­յուն­ներն իս­կա­պես ըն­թա­ցել են բազ­մա­կու­սակ­ցա­կան հիմ­քով (մաս­նակ­ցել են բազ­մա­թիվ կու­սակ­ցութ­յուն­ներ): Ինչ վե­րա­բեր­վում է ընտ­րութ­յուն­նե­րի բաց եւ մրցակ­ցա­յին լի­նե­լուն, ա­պա Ռու­սաս­տա­նը՝ հան­ձին իր Արտ­գործ­նա­խա­րա­րութ­յան պաշ­տո­նա­կան ներ­կա­յա­ցու­ցիչ Մա­րիա Զա­խա­րո­վա­յի մեկ­նա­բա­նութ­յան, բո­լո­րո­վին այլ հե­տե­ւութ­յուն ու դիր­քո­րո­շում ու­նի: Ա­հա­վա­սիկ ՌԴ արտ­գործ­նա­խա­րա­րութ­յան պաշ­տո­նա­կան կայ­քում եւ ֆեյս­բուք­յան է­ջում հու­նի­սի 8-ին ՌԴ ԱԳՆ կա­տա­րած հրա­պա­րա­կու­մը՝ Ռու­սաս­տա­նի ԱԳՆ պաշ­տո­նա­կան ներ­կա­յա­ցու­ցիչ Մ. Վ. Զա­խա­րո­վա­յի մեկ­նա­բա­նութ­յու­նը Հա­յաս­տա­նում անց­կաց­ված խորհր­դա­րա­նա­կան ընտ­րութ­յուն­նե­րի կա­պակ­ցութ­յամբ.

«­Հու­նի­սի 7-ին Հա­յաս­տա­նում ընդ­դի­մութ­յան վրա ան­նա­խա­դեպ ճնշման եւ Ա­րեւ­մուտ­քի, ա­ռա­ջին հեր­թին՝ ԵՄ-ի մի­ջամ­տութ­յան պայ­ման­նե­րում անց­կաց­վե­ցին խորհր­դա­րա­նա­կան ընտ­րութ­յուն­ներ:

ԿԸՀ-ի հայ­տա­րա­րած նախ­նա­կան արդ­յունք­նե­րը վկա­յում են, որ իր հաղ­թա­նա­կը հայ­տա­րա­րած «Քա­ղա­քա­ցիա­կան պայ­մա­նա­գիր» կու­սակ­ցութ­յու­նը չի ստա­ցել իշ­խա­նութ­յան մե­նաշ­նոր­հը: Ա­վե­լին, նա­խորդ ընտ­րա­կան ցիկ­լի հա­մե­մատ նրա ա­ջակ­ցութ­յու­նը նկա­տե­լիո­րեն նվա­զել է։

­Հայ հա­սա­րա­կութ­յան մեջ ակն­հայտ է ռուս-հայ­կա­կան կա­պե­րի ա­ռա­ջան­ցիկ զար­գաց­ման, եվ­րա­սիա­կան ին­տեգ­րա­ցիոն կա­ռույց­նե­րում Հա­յաս­տա­նի հե­տա­գա գտնվե­լու լայն պա­հան­ջը, ո­րը շո­շա­փե­լի մեծ բա­րիք­ներ է բե­րում հայ ժո­ղովր­դին:

Ամ­բողջ ընտ­րար­շա­վը եւ բուն քվեար­կութ­յան գոր­ծըն­թացն ան­ցել են ընդ­դի­մա­դիր կու­սակ­ցութ­յուն­նե­րի եւ շար­ժում­նե­րի, նրանց ակ­տի­վիստ­նե­րի եւ հա­մա­կիր­նե­րի նկատ­մամբ Հա­յաս­տա­նի իշ­խա­նութ­յուն­նե­րի կող­մից խիստ բռնաճն­շում­նե­րի մթնո­լոր­տում: Հե­տապն­դում­նե­րի «կա­տո­կի» տակ է հայտն­վել նաեւ երկ­րում ա­վան­դա­բար խո­րա­պես հարգ­ված Հայ Ա­ռա­քե­լա­կան ե­կե­ղե­ցին։ Այս ա­մե­նը Ե­րե­ւա­նի կող­մից ա­զատ ընտ­րութ­յուն­նե­րի անց­կաց­ման ժո­ղովր­դա­վա­րա­կան սկզբունք­նե­րի եւ ըն­թա­ցա­կար­գե­րի կո­պիտ ոտ­նա­հա­րում է։ Հատ­կան­շա­կան է նաեւ այն, որ ներ­կա­յիս հայ­կա­կան վար­չա­կազ­մին բնո­րոշ ձե­ւով հա­լա­ծանք­նե­րը թափ­վե­ցին բա­ցա­ռա­պես այն քա­ղա­քա­կան ու­ժե­րի վրա, ո­րոնք կողմ են հան­րա­պե­տութ­յան հա­մար կեն­սա­կան նշա­նա­կութ­յուն ու­նե­ցող Ռու­սաս­տա­նի հետ միութ­յան ամ­րապնդ­մա­նը, եվ­րա­սիա­կան ին­տեգր­մա­նը Հա­յաս­տա­նի հե­տա­գա մաս­նակ­ցութ­յա­նը, նե­րառ­յալ ԵԱՏՄ-ին եւ ՀԱՊԿ-ին ան­դա­մակ­ցութ­յու­նը, մեր երկ­րի դեմ թշնա­մա­կան գիծ վա­րող Եվ­րա­միութ­յուն մտնե­լու փա­կու­ղա­յին կուր­սից հրա­ժար­վե­լուն։

­Մոսկ­վա­յում միշտ ե­ղել են եւ կլի­նեն շա­հագրգռ­ված ու­ժեղ եւ ի­րա­պես ինք­նիշ­խան Հա­յաս­տա­նով։ Հայ ժո­ղո­վուր­դը մեզ հա­մար եղ­բայ­րա­կան է, մաղ­թում ենք խա­ղա­ղութ­յուն եւ բար­գա­վա­ճում:

­Միեւ­նույն ժա­մա­նակ, ան­ցած ընտ­րութ­յուն­նե­րը հստակ ցույց տվե­ցին, որ հայ հա­սա­րա­կութ­յու­նը խիստ բե­ւե­ռաց­ված է։ Ն­ման պայ­ման­նե­րում Հա­յաս­տա­նի զար­գաց­ման ու­ղի­նե­րի վե­րա­բեր­յալ միա­կող­մա­նի ո­րո­շում­ներ կա­յաց­նել՝ ա­ռանց հաշ­վի առ­նե­լու բնակ­չութ­յան բո­լոր շեր­տե­րի կար­ծի­քը, նշա­նա­կում է եր­կի­րը տա­նել դե­պի հե­տա­գա պա­ռակ­տում եւ սո­ցիալ-տնտե­սա­կան ցնցում­ներ։ Ակն­կա­լում ենք, որ Հա­յաս­տա­նի իշ­խա­նութ­յուն­նե­րը կա­ռաջ­նորդ­վեն ազ­գա­յին շա­հե­րի վրա հիմն­ված մո­տե­ցում­նե­րով։

Ինչ վե­րա­բե­րում է Հա­յաս­տա­նի հետ հա­րա­բե­րութ­յուն­նե­րում Մոսկ­վա­յի հե­տա­գա գծին, ա­պա մտա­դիր ենք մեր կուր­սը կա­ռու­ցել՝ հաշ­վի առ­նե­լով Հա­յաս­տա­նի ղե­կա­վա­րութ­յան ի­րա­կան քայ­լե­րը»։

­Վե­րոնշ­յալ մեկ­նա­բա­նութ­յան առն­չութ­յամբ մնում է հա­վե­լել՝ կեց­ցե՛ Ռու­սաս­տա­նի արտ­գործ­նա­խա­րա­րութ­յու­նը, կեց­ցե՛ Մա­րիա Զա­խա­րո­վան՝ ի­րա­կա­նութ­յան ճիշտ ար­ձա­նագր­ման ու ներ­կա­յաց­ման հա­մար:

«­Հա­յաս­տա­նում ընդ­դի­մութ­յու­նից «գո­ղա­ցել» են ձայ­նե­րի առն­վազն 20%-ը»,- հայ­տա­րա­րել է ՌԴ Պետ­դու­մա­յի Ան­կախ պե­տութ­յուն­նե­րի հա­մա­գոր­ծակ­ցութ­յան, եվ­րա­սիա­կան ին­տեգր­ման եւ հայ­րե­նա­կից­նե­րի հետ կա­պե­րի գոր­ծե­րով կո­մի­տեի նա­խա­գա­հի ա­ռա­ջին տե­ղա­կալ Վիկ­տոր Վո­դո­լաց­կին, ո­րը Պետ­դու­մա­յի պատ­գա­մա­վոր է ընտր­վել հա­մա­ռու­սաս­տան­յան «Ե­դի­նա­յա Ռո­սիա» քա­ղա­քա­կան կու­սակ­ցութ­յան կող­մից ա­ռա­ջադր­ված թեկ­նա­ծու­նե­րի դաշ­նա­յին ցու­ցա­կի կազ­մում:

Ն­րա խոս­քով` ար­վել է ա­մեն ինչ՝ ա­պա­հո­վե­լու հա­մար, որ ընդ­դի­մութ­յան օգ­տին քվեար­կած մարդ­կանց քվեա­թեր­թիկ­նե­րը ոչն­չաց­վեն կամ վնաս­վեն։

ԱՐԹՈՒՐ ՀՈՎՀԱՆՆԻՍՅԱՆ

Այս թեմայով Փաշինյանը նպատակ ունի կտրել թաղման նպաստները Ռուսաստանի հետ մեր հարաբերությունները անխուսափելիորեն փոխվելու են․ Փաշինյան Որ խելքներդ չի հասնում, ծպտուն մի հանեք․ ԲԱՄԲԱՍԱՆՔ «Դաբրոներ են» տվել Փաշինյանի աշխատակազմի նախկին ղեկավար Հարությունյանը, առողջապահության ոլորտը «վարած-ցանած» նախկին նախարար Արսեն Թորոսյանը, Կոտայքի մարզպետ Ահարոն Սահակյանն ու ՏԿԵ նախարար Դավիթ Խուդաթյանը «Իրավունք». «Որ խելքներդ չի հասնում, ծպտուն մի հանեք». Փաշինյանն օդերով է հանել նորելուկ պատգամավորներին