ՎՏԲ-Հայաստան Բանկը գրանցում է ագրովարկավորման նկատմամբ պահանջարկի աճ

ՎՏԲ-Հայաստան Բանկն արձանագրում է գյուղատնտեսության ոլորտում գործունեություն իրականացնող հաճախորդների համար նախատեսված «Արագ» վարկային պրոդուկտի նկատմամբ պահանջարկի աճ։ 2026թ․-ի առաջին կիսամյակի արդյունքներով տվյալ պրոդուկտի շրջանակում տրամադրված վարկերի ծավալն աճել է 27%-ով նախորդ տարվա նույն ժամանակահատվածի համեմատ։

Վարկային միջոցները կարող են ուղղվել հիմնական և շրջանառու միջոցների համալրմանը, ընթացիկ ծախսերի ֆինանսավորմանը, ինչպես նաև գործող ագրովարկերի մարմանը՝ վերաֆինանսավորվող վարկի գումարի մինչև 30%-ի չափով լրացուցիչ սահմանաչափի տրամադրմամբ։

Վարկի հայտի դիտարկումն իրականացվում է վարկառուի վարկային պատմության հիման վրա՝ առանց ֆինանսական վերլուծության, ինչը հնարավորություն է տալիս էապես պարզեցնել և արագացնել ֆինանսավորման գործընթացը։ Վարկի վերաբերյալ որոշումն ընդունվում է փաստաթղթերի ամբողջական փաթեթի ներկայացումից հետո 2 ժամվա ընթացքում, իսկ վարկային միջոցների տրամադրումն իրականացվում է 3 աշխատանքային օրվա ընթացքում։

«Մենք արձանագրում ենք պահանջարկի կայուն աճ «Արագ» վարկի նկատմամբ ագրարային ոլորտի ներկայացուցիչների կողմից։ Գյուղատնտեսների համար հատկապես կարևոր են որոշումների ընդունման արագությունն ու ֆինանսավորման հասանելիությունը ակտիվ սեզոնային աշխատանքների ժամանակահատվածում։ Այդ պատճառով մենք առավելագույնս պարզեցրել ենք հայտերի դիտարկման ընթացակարգը և կրճատել վարկերի տրամադրման ժամկետները։ Վարկավորման ծավալների աճը վկայում է պրոդուկտի պահանջվածության և Բանկի նկատմամբ հաճախորդների վստահության մասին։ Հետագայում մենք ևս շարունակելու ենք զարգացնել գյուղատնտեսության աջակցմանն ու ոլորտի ձեռնարկությունների համար ֆինանսական հասանելիության բարձրացմանն ուղղված լուծումները»,- մեկնաբանում է ՎՏԲ-Հայաստան Բանկի Գլխավոր տնօրենի - Տնօրինության նախագահի տեղակալ Եվգենի Մոտովիլովը։  

Պրոդուկտի շրջանակում ֆինանսավորվում են անասնապահության, բուսաբուծության, ջերմոցային տնտեսության, չրերի արտադրության, գյուղատնտեսական արտադրանքի վերամշակման, ինչպես նաև գյուղատնտեսական ծառայությունների մատուցման ոլորտներում գործունեություն իրականացնող ձեռնարկությունները։

«Արագ» վարկի տարեկան անվանական տոկոսադրույքը կազմում է 14․2% (փաստացի տոկոսադրույքը՝ 20․2%-ից մինչև 22․78%)։ Վարկի գումարը 300 հազարից մինչև 20 մլն ՀՀ դրամ է, իսկ վարկավորման ժամկետը՝ 2-ից մինչև 5 տարի։

Վարկի վերաբերյալ մանրամասն տեղեկատվություն կարելի է ստանալ ՎՏԲ-Հայաստան Բանկի պաշտոնական կայքում կամ Բանկի ցանկացած մասնաճյուղում։

Այս թեմայով Զելենսկին պատժամիջոցներ է սահմանել իր իսկ նախկին մամուլի քարտուղարի նկատմամբ ՀՐԱՏԱՊ. Մարդու իրավունքը ժամկետանց փաստաթուղթ չէ, երբ մարդը դադարում է հավատալ արդարադատությանը, վտանգվում է ոչ միայն նրա իրավունքը՝ այլ իրավական պետության հիմքը Դավիթ Իշխանյանի ուղերձը , հենց ցեղասպանության ենթարկվող անձի հայի ոգեղենություն պահելու խնդրանքն էր Ոչ միայն ճանաչված լրագրող, այլ արժանի բարեկամ. Հայտնի փաստաբանի շնորհավորական ուղերձը «Իրավունքի» հայտնի լրագրողի տարեդարձին Լրջագույն խնդիր, որի պատասխանատուն ու կրողը քաղաքային իշխանությունն է