Իսկ քաղաքացին կշարունակի գոյը քարշ տալ` իր ունեցած քաղաքական դաշտի պատճառով

Երեւանի ավագանու «Մայր Հայաստան» խմբակցության անդամ Սարգիս Տեր-Եսայանի ինքնազգացողությունը վատացել է՝ երեկ քաղաքապետարանում ծեծի ենթարկվելուց հետո։ Անշուշտ, ցավալի է, սակայն հետաքրքիր է, ո՞ւմ էր հաճույք պատճառել ծեծկռտուքը: Այն, որ այնտեղ նստած բոլոր մանդատակիրները երեւանցու քվեն ստացել են հաստատ ոչ մազ փիդրելու, հայհոյելու եւ իրար վրա շիշ նետելու համար, աներկբա փաստ է: Այն, որ այդպես էլ չքննարկվեց տրանսպորտի բարելավման հիմնահարցը եւս չվիճարկվող է: Էլ չենք խոսում մնացած՝ չզեկուցվող հարցերի մասին, որոնք կային օրակարգում, եւ ինչպես «Իրավունք»-ը տեղեկացավ, վերաբերում էին հիմնականում բազմաբնակարան շենքերի շինթույլտվությանը:

Մնում է ասել՝ էլ ո՞ւր, որտե՞ղ եք կառուցելու, ո՞ւմ համար, եթե հասարակ քաղաքացին անգամ տուն վարձելու գումար չունի: Վատ են զգում բոլորը, ոչ միայն «Մայր Հայաստան» խմբակցության անդամ Սարգիս Տեր-Եսայանը: Անգամ վատ են զգում իրենց տանը նստած քաղաքացիները, ովքեր վստահության քվե են տվել ու փոխարենը ոչինչ չեն ստացել: Մոտավոր հաշվարկներով՝ դեռ երկար վատ կզգան թե՛ իշխանության եւ թե՛ ընդդիմության ներկայացուցիչները, իսկ քաղաքացին, կրկին ձեռքը թափ տալով, կշարունակի գոյը քարշ տալ իր ունեցած քաղաքական դաշտի պատճառով:

ՆԱՆԱ ՍԱՐԳՍՅԱՆ

Այս թեմայով Անտեսանելի հյուր կամ վտանգավոր թշնամի. «Հելիկոբակտեր պիլորի»-ի անդառնալի հետեւանքները «Սերդեչնի պրիվետ օտ Զիմզիմովա». «операция «ы»-ն կմտնի ուժի մեջ Կոնսերվատորիային անհրաժեշտ է տղամարդ ղեկավար. Նանա Մարգարյան Ով եւ ինչ վրեժ է լուծում Կոնսերվատորիայի նախկին աշխատակցից Ահազանգ. Կոնսերվատորիայից հեռացրել են, դատը շահել եմ՝ հետ չեն ընդունում, էս պետության մեջ ո՞նց ապրես. ArmLur TV