Շատ վատ է այդ տեմպով շարունակելը. Տիգրան Ավինյան

Կիեւյան կամրջի հիմնանորոգման ծրագրի շրջանակում նախատեսվում է իրականացնել երթեւեկելի ու հետիոտնային հատվածների վերականգնում, դեֆորմացիոն կարերի ու ջրահեռացման համակարգի նորացում, ջրամեկուսացման աշխատանքներ։ Այս մասին Երեւանի քաղաքապետարանի գործակարգավարական խորհրդակցության ժամանակ հայտարարել է շինարարության եւ բարեկարգման վարչության պետի պաշտոնակատար ԱՆԴՐԱՆԻԿ ԹԵՎՈՍՅԱՆԸ:

Սակայն, ինչպես նկատել են երեւանցիները, կիրակի օրով Կիեւյան կամուրջի վրա ոչ մի աշխատող եւ աշխատանք կատարող մարդ ու մեքենա չի եղել: Ստացվում է, որ քաղաքապետը որքան էլ փորձում է արագացնել կամրջի աշխատանքները, այնուհանդերձ, աշխատողներն ու իրենց վերադասերը նախընտրում են հանգստյան օրերն օգտագործել հօգուտ իրենց: Մնում է հուսալ, որ քաղաքապետը հետեւողական կլինի, որպեսզի ծավալուն աշխատանքները ավարտվեն ժամանակին։

Ի դեպ, նույն նիստի ժամանակ ՏԻԳՐԱՆ ԱՎԻՆՅԱՆՆ իր դժգոհությունն է հայտնել Ազատության պողոտայի ոռոգման համակարգի աշխատանքների տեմպից:

«Շատ վատ է այդ տեմպով շարունակելը, ու ամենավատը այ հենց այս նախադասությունն է, որովհետեւ այդ տեմպը բավարար տեմպ չէ»,- արձագանքելով Երեւանի քաղաքապետարանի կոմունալ տնտեսության վարչության պետ Արսեն Կարոյանի տված պատասխանին՝ ասել է Ավինյանը:

ՆԱՆԱ ՍԱՐԳՍՅԱՆ

Այս թեմայով Որ խելքներդ չի հասնում, ծպտուն մի հանեք․ ԲԱՄԲԱՍԱՆՔ Ինչ լուծում է տեսնում քաղաքապետը Ով է ստում․ Ավինյանը, թե՞ Փաշինյանը «Պիկ ժամին 2 մլն-ից ավել մարդ կա Երեւանում».Ավինյանը զայրացավ Վստա՞հ եք, որ էս էստակադան մենք ենք կառուցում, կարո՞ղ ա բլոգերներն են կառուցում. Ավինյան