«Հայաստան» դաշինքը ՍԴ է դիմելու՝ Սեդա Սաֆարյանի հարցով

Այսօր հայտնի դարձավ, որ ՍԴ երկու դատավոր չեն մասնակցի ընտրությունների արդյունքների վիճարկման գործի քննությանը։ Ըստ ՍԴ որոշման՝ Արտակ Զեյնալյանը և Վլադիմիր Վարդանյանը կանխակալ վերաբերմունք ունեն որպես կողմ հանդես եկող անձի, նրա ներկայացուցչի, դատավարության այլ մասնակիցների նկատմամբ: ՍԴ-ն գործով որպես երրորդ անձ է ներգրավել նաև ՔՊ-ին։

ՍԴ-ն այս որոշմամբ, ըստ էության, չի արգելել գործի քննությանը մասնակցել դատավոր Սեդա Սաֆարյանին, ով 2021 թվականի խորհրդարանական ընտրությունների ժամանակ «Բաբաջանյան- Շիրինյան» դաշինքի ցուցակով պատգամավորի թեկնածու է եղել, իսկ այս դաշինքի առանցքային ներկայացուցիչներից մեկը Արման Բաբաջանյանն էր, ով վերջին ընտրություններին մասնակցում էր «Հանուն Հանրապետության» կուսակցությունով և ՍԴ դիմած 7 ուժերից մեկը նրա կուսակցությունն է։ Բացի այդ, Սեդա Սաֆարյանը նաև 2008թ. մարտի 1-ի իրադարձություններով մեկ տասնյակից ավելի քաղաքական գործիչների և անձանց շահերի ներկայացուցիչն է ՀՀ-ում և Մարդու իրավունքների եվրոպական դատարանում (ՄԻԵԴ), և 2008թ. մարտի 1-ի իրադարձությունների վերաբերյալ 4 զեկույցների համահեղինակն է։ Նա Ստեփան Սաֆարյանի քույրն է:

«Հայաստան» դաշինքի ներկայացուցիչ Հովհաննես Խուդոյանը «Հրապարակ»-ին հայտնել է, որ «Հայաստան» դաշինքը դիմում կներկայացնի ՍԴ, որպեսզի Սեդա Սաֆարյանը ևս չմասնակցի ընտրությունների արդյունքների վիճարկման գործի քննությանը.

«Այս պահին աշխատում ենք դիմումի վրա, երբ ավարտենք, այդ ժամանակ կդիմենք ՍԴ։ Հնարավոր է՝ այսօր հասցնենք կամ վաղը։ Սեդա Սաֆարյանի դեպքում էլ հիմքերը նույնն են, ինչ մյուս երկուսինը»։

Հարցին՝ ՍԴ մյուս դատավորների մասով ևս նման խնդիրներ կա՞ն, Խուդոյանը արձագանքել է, որ դեռ չեն դիտարկել մյուսներին, նշել է, որ  նման գործերի քննության համար անհրաժեշտ է ՍԴ դատավորների կեսից ավելիի մասնակցություն.

«Դատավորների թվի խնդիր չի առաջանա, քանի որ 6 դատավոր մասնակցելու են՝ ՍԴ 5 դատավորը և ՍԴ նախագահը»։
 

Այս թեմայով «Խնդրում եմ այս թեմայով ինձ հարցեր չհղել»,- հայտարարել է նա ԿԸՀ նախագահը ճահճից չոր էլ դուրս կգա. ԸՆԿԵՐ ՓԱՆՋՈՒՆԻ Սեդա Սաֆարյանը կմասնակցի ընդդիմության հայցի քննարկմանը, ՍԴ-ում դեմ չէին Հադրութցի գեղեցկուհին, որը չկոտրվեց պատերազմում, բայց պարտվեց ճակատագրին ՍԴ-ից բացատրում են, թե ինչու Սեդա Սաֆարյանը կքննի ընդդիմության հայտը