Ջեսիքա Հաուսները գլխավորելու է «Ոսկե ծիրան»-ի միջազգային մրցույթի ժյուրին

2000-ականների սկզբին ավստրիական կինոյին նոր շունչ հաղորդած ու համաշխարհային նոր հեղինակություն բերած Ջեսիքա Հաուսները գլխավորելու է «Ոսկե ծիրան»-ի այս տարվա Միջազգային մրցույթի ժյուրին։

Հաուսները մի քանի տարին մեկ մեծ իրարանցում է առաջացնում եվրոպական կինոփառատոներում իր նորանոր հոգեբանական դրամաներով, որոնք ավանդաբար իրենց պրեմիերան ունենում են Կաննի Գլխավոր կամ «Հատուկ հայացք» ծրագրերում։ Այս «շոկային» ճամփորդությունը սկսել է 2001 թվականին Հաուսների դեբյուտային «Սիրելի Ռիտա» ֆիլմով, որը միանգամից դարձավ ավստրիական կինոյի դասական նմուշ։

Մի իրականությունում, որտեղ ավստրիական կինոմշակույթը հեղեղված էր կոմերցիոն ֆիլմերով, Ջեսիքա Հաուսները կերտեց իր ուրույն ժանրային կինոն, որը խորապես ազդված է իր մեծանուն ազգակից Միխայել Հանեքեի, հանճարեղ Սթենլի Կուբրիկի ու երբեմն նաև Դեյվիդ Լինչի ստեղծագործական ժառանգությամբ։

Երևանի «Ոսկե ծիրան» 23-րդ միջազգային կինոփառատոնը կանցկացվի 2026 թվականի հուլիսի 12-19-ը։ Այս տարի ևս կինոփառատոնը կներկայացնի մրցութային և արտամրցութային ծրագրեր աշխարհի տարբեր երկրներից, ինչպես նաև ֆիլմեր հեղինակավոր միջազգային կինոփառատոններից՝ ներառյալ Կաննը, Բեռլինը և այլ առաջատար կինոհարթակներ։

Փառատոնի ընթացքում Հայաստան կժամանեն կինոյի համաշխարհային ճանաչում ունեցող հեղինակներ, ռեժիսորներ, դերասաններ և ոլորտի մասնագետներ, որոնք իրենց փորձն ու արվեստը կներկայացնեն հայ հանդիսատեսին՝ ստեղծելով երկխոսության, նոր գաղափարների և մշակութային փոխանակման բացառիկ հարթակ։

Այս թեմայով Եթե հայկական ծիրանը նկարում են Էյֆելյան աշտարակի մոտ, չի նշանակում, որ այդ ապրանքը մտավ Ֆրանսիա Թռիչքի ժամանակ. օգոստոսի 20-ից սկսած այս մարդիկ կսկսեն հարստանալ. Ոսկե Հրեշտակը կցույց տա փողի ճանապարհը «Ոսկե գնդակի» ֆավորիտների ցուցակը.The Independent Եվրnպացիները ցանկանում է տեսնել Զելենսկիին ոսկե զուգարանակոնքով` եվրոյի վրա ՀՀ-ից Իսպանիա ծիրան դեռ չի արտահանվել. Էկոնոմիկայի փոխնախարարը՝ համացանցում քննարկումների մասին