Մարգարիտա Սիմոնյանն առաջարկում է նիկոլականների մուտքն արգելել ՌԴ

RT հեռուստաալիքի եւ «Россия сегодня» մեդիախմբի գլխավոր խմբագիր ՄԱՐԳԱՐԻՏԱ ՍԻՄՈՆՅԱՆԸ «Երեկոն Վլադիմիր Սոլովյովի հետ» հաղորդման ժամանակ երեկ հարց բարձրացրեց՝ ի՞նչ է կատարվում Հայաստանում։ Ի՞նչ կա հայերի գլխում, ինչո՞ւ նրանք թեկուզ մեկ ձայն տվեցին էֆենդի Փաշինյանին:

«Այդ ընտրությունները, իհարկե, ոչ լեգիտիմ էին, իհարկե, կեղծվել էին, եւ ձայներ էին ավելացվել, բայց, այնուամենայնիվ, նա ինչ-որ քանակությամբ ձայներ ստացել է։ Ինչպե՞ս կարելի է ձայն տալ մարդու, որն արհամարհում է Հայոց ցեղասպանության հիշատակը, որն իր ձեռքով հանձնեց Ղարաբաղը, բայց ամենակարեւորը՝ որը իր քաղաքական կարիերան կառուցեց եւ իշխանության եկավ թե՛ Ռուսաստանի, թե՛ ռուսների նկատմամբ ատելության վրա։ Ես չգիտեմ։ Պարզապես չգիտեմ։

Ինձ թվում է, որ այն հայերը, որոնք քվեարկել են Փաշինյանի օգտին, մարդիկ են, որոնք չափից շատ քաղցրավենիք են կերել, պարզապես չափազանց շատ։ Ժամանակն է, որ մտրակը գործի դրվի։ Քանի որ նրանց չափից շատ «քաղցրաբլիթ» է բաժին հասել, նրանց ստամոքսը չի մարսում, եւ դա, իր հերթին, ազդում է ուղեղի վրա, ու նրանք գնում են եւ քվեարկում Փաշինյանի օգտին։

Ընդհանրապես, երախտամոռությունը ամենասարսափելի մեղքն է… Վերջին երեքհարյուր տարվա պատմության ընթացքում Ռուսաստանը փրկել է հայ ժողովրդին։ Ինչպե՞ս կարելի է դա չգնահատել, չհիշել, չնկատել եւ քվեարկել մի մարդու օգտին, որը 2018 թվականին իշխանության եկավ ռուսատյաց կարգախոսներով։

Այն, որ մենք, մեր հերթին, կամ չէինք նկատում դա, կամ չէինք ուզում նկատել ութ տարի, դա արդեն, իսկապես, մեզ ուղղված հարց է: Թեեւ, հանուն արդարության, ես այդ մասին միշտ եմ խոսել ու ամենուր։

Նշանակում է՝ այդ մարդիկ կիսում են այդ ռուսատյաց կարգախոսները։ Նշանակում է՝ այդ մարդիկ չեն հիշում, թե ինչպես Գրիբոյեդովը զոհաբերեց իր կյանքը։ Մեր մեծ դրամատուրգն ու դիվանագետ Գրիբոյեդովը կյանքը զոհեց մի քանի հայերի փրկելու համար, որոնք Պարսկաստանում հերթական հայկական ջարդերի ժամանակ, երբ նա մեր դեսպանն էր Թեհրանում, ապաստան էին գտել դեսպանատանը։ Նա գիտեր, թե ինչով է դա ավարտվելու, եւ իսկապես, դեսպանատունը ավերվեց, իսկ նրան ճանաչեցին միայն ճկույթի միջոցով. նրան կտոր-կտոր արեցին։ Ու՞մ էր նա փրկում։ Նա հայերի էր փրկում։ Հայաստանում Գրիբոյեդովի հուշարձան կա։ Այդ հայերից որեւէ մեկը գիտի՞, թե ինչու։ Ոչ ոք չգիտի։

Արդյո՞ք որեւէ մեկը լաց է եղել այն գրության վրա, որը նրա տապանաքարի վրա թողել էր նրա 15-ամյա հղի կինը՝ գրելով. «Քո անմահ գործերն ու միտքը կմնան ռուսների հիշողության մեջ, բայց ինչո՞ւ իմ սերը վերապրեց քեզ»։

Եվ ինչո՞ւ եմ ես այսքան շատ խոսում Գրիբոյեդովի մասին․ որովհետեւ նա մարմնավորում է այն ամենը, ինչ Ռուսաստանը արել է Հայաստանի համար, այդ թվում՝ հաճախ իր իսկ շահերին՝ ռուսական շահերին հակառակ։ Թեեւ իմ ազգանունը «յան»-ով է ավարտվում, ինձ առաջին, երկրորդ, երրորդ եւ վերջին հերթին հետաքրքրում են Ռուսաստանի շահերը», - ընդգծել է Սիմոնյանը։

Ռուս հասարակական-քաղաքական գործիչն առաջարկել է արգելել դեպի Ռուսաստան նիկոլականների մուտքը:

«Իսկ հիմա թող հայերն իրենք իրենցով զբաղվեն։ Թող իրենք լուծեն իրենց հարցերը… Ես կոնկրետ առաջարկ ունեմ։ Առաջարկում եմ սոցիալական ցանցերով բացահայտել, հիմա դա շատ հեշտ է անել։ Ահա սահմանապահներն էլ դա անում են սահմանին՝ հեշտ ու հանգիստ։ Թե՛ մեզ մոտ, թե՛ դեպի Վրաստան։ Փորձեք գնալ Վրաստան, եթե ձեր սոցիալական ցանցերում ինչ-որ բան կա Աբխազիայի մասին։ Ձեզ չեն թողնի մտնել չէ՞։ Սոցիալական ցանցերով բացահայտել այն հայերին, որոնք աջակցում են Փաշինյանին։ Եվ վերջ։ Մուտքը Ռուսաստանի Դաշնություն՝ արգելել։ Ընդմիշտ։ Որովհետեւ եթե դուք աջակցում եք Փաշինյանին, նշանակում է՝ աջակցում եք ռուսատյացությանը։ Եթե աջակցում եք ռուսատյացությանը, նշանակում է՝ ատում եք Ռուսաստանը։ Նշանակում է՝ մոռացել եք Գրիբոյեդովին։ Հավանաբար նույնիսկ չեք կարդացել «Խելքից պատուհասը» եւ չեք էլ տեսել նրա հուշարձանը։ Դուք Ռուսաստանում անելիք չունեք։

Ահա ես՝ որպես մաքուր արյունով հայուհի, հանդես եմ գալիս այն բանի օգտին, որ Փաշինյանին աջակցողներին, հետեւաբար Ռուսաստանը ատող, երախտամոռ արարածներին, որոնք քվեարկում են նրա օգտին, ընդմիշտ արգելվի մուտքը իմ հայրենիք՝ Ռուսաստան։ Չէ՞ որ ժամանակին վրացիների դեպքում ստացվեց․ վիզային ռեժիմ մտցրեցին չէ՞։ Եվ ինչ-որ կերպ բոլորը մի քիչ խելքի եկան։ Ես կարծում եմ, որ Վրաստանը այս ամբողջ ընթացքում, քանի դեռ շարունակվում է Հատուկ ռազմական գործողությունը, իրեն բացառապես ճիշտ է պահում։ Զարմանալիորեն ճիշտ։ Հայերի դեպքում էլ կստացվի։

Ամոթ է նրանց համար։ Քույրս երեկ մոտեցավ ու ասաց․ «Լսիր, գուցե ազգանո՞ւնս փոխեմ։ Ամոթ է, որ մեր ազգանունները նույն ձեւով են ավարտվում»։ Ես ասացի. «Մի՛ անհանգստացիր, շուտով էֆենդի Փաշինյանի ազգանունն իրենք կփոխեն, իսկ դրա հետ մեկտեղ՝ նաեւ սեռը, ինչ-որ բանտախցում, ինչպես հաճախ է լինում բանտերում»։ Այնտեղ սեռը հեշտ ու հանգիստ է փոխվում», - շեշտել է Սիմոնյանը։

Այս թեմայով ՔՊ-ի կեղտոտ սպիտակեղենը փռել են արեւին Հայկ Սարգսյանն ասեց՝ պապայի ընկերն ա, կարա՞ գա. Սիմոնյանը մանրամասներ է պատմում քրեական հեղինակության հետ հանդիպումից Մոսկվայում Հայկ Սարգսյանի բերած մարդը սադրեց, կոնֆլիկտ եղավ, քաշեց ձեռքիցս, բղավեցի վրան Գանձասարի դեպքով Հաջիևի հետ խոսել եմ, ինքն իմ համարն ունի, ես իրենը, ամեն ինչին չենք արձագանքելու, Ուրիշների հայրենասիրությունը չափելուց առաջ՝ ձեր արածի ու չարածի մասին խոսեք․ Պետրոսյան