«ԵԶՐԱՓԱԿՉՈՒՄ ՄՐՑԱԿԻՑՍ ԱՇԽԱՐՀԻ ՎԵՑԱԿԻ ՉԵՄՊԻՈՆ ԷՐ, 2։1 ՀԱՇՎՈՎ ՊԱՐՏՈՒԹՅԱՆ ՄԱՏՆԵՑԻ».ՍԱՄԲՈՅԻ ՄԵԾԱՀԱՍԱԿՆԵՐԻ ԵՎՐՈՊԱՅԻ ՉԵՄՊԻՈՆ, ԱՇԽԱՐՀԻ ԳԱՎԱԹԻ ԿՐԿՆԱԿԻ ՀԱՂԹՈՂ ԿԱՐԵՆ ՍԱՐԳՍՅԱՆ

 Iravunk. com -ի մարզական լրագրողը կապ է հաստատել ու բացառիկ զրույց ունեցել Վրաստանի մայրաքաղաք Թբիլիսիում կայացած Սամբոյի մեծահասակների Եվրոպայի առաջնությանը ոսկե մեդալ նվաճած, Աշխարհի գավաթի կրկնակի հաղթող, ծնունդով Արցախից ԿԱՐԵՆ ՍԱՐԳՍՅԱՆԻ հետ։

- Ողջույն, Կարեն։ Շնորհավորում ենք հաղթանակի կապակցությամբ։

- Շնորհակալ եմ։ Հանդես եկա մինչև 58 կգ քաշային կարգում, մարզական սամբոյի կազմում։ Մեկնարկային գոտեմարտի ժամանակ 3։2 հաշվով հաղթեցի ռուս մրցակցիս, ապա 3։0 հաշվով Բուլղարիայի ներկայացուցչին։ Եզրափակչում մրցակիցս տեղացի մարզիկն էր, նա Աշխարհի վեցակի չեմպիոն էր, 2։1 հաշվով պարտության մատնեցի։ Ընդհանրապես, դժվար մրցաշար էր, քանի որ մեծահասակների Եվրոպայի առաջնությունն էր, ու շատ ուժեղ, փորձառու մարզիկներ էին մասնակցում։ Ամենաբարդը տրվեց եզրափակիչը վրացու հետ պայքարը։ Պատասխանատվությունը շատ մեծ էր, քանի որ բարեկամներս, հարազատներս, ընկերներս, անձնական մարզիչս Արմեն Ադամյանը, ներկա էին դահլիճում ու երկրպագում էին ինձ։ Նախքան մրցաշարը, ես մարզչիս խոստացել էի, որ պիտի անպայման հաղթեմ ու ոսկե մեդալով Հայաստան վերադառնամ, փառք Աստծո ստացվեց։ Ես լավ մարզավիճակում էի գտնվում, հոգեբանորեն պատրաստ էի ու գնացել էի ոսկե մեդալի հետևից։

- Շնորհակալություն, Կարեն, հաճելի զրույցի համար, քեզ նորանոր հաղթանակներ։

- Շատ զգացված եմ մշտապես ուշադրության համար, անխափան գործունեություն Ձեր թերթին։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով Հայաստանի հավաքականը ծանր կորուստ ունի Ազգերի լիգայի վճռորոշ խաղերից առաջ Ըմբշամարտի ԱԱ. Նարեկ Հարությունյանն ու Հրայր Ալիխանյանը պարտվեցին մեկնարկում ԱԱ. Արսեն Հարությունյանը մեկնարկեց վստահ հաղթանակով՝ 10:0 Հայ բռնցքամարտիկները Թուրքիայից կվերադառնան երկու մեդալով «ԱՄԵՆԱԴԺՎԱՐԸ ՍՏԱՑՎԵՑ ՌՈՒՍ ՄՐՑԱԿՑԻ ՀԵՏ ՄԵՆԱՄԱՐՏԸ». ԲՌՆՑՔԱՄԱՐՏԻ ՄԵԾԱՀԱՍԱԿՆԵՐԻ ԵՎՐՈՊԱՅԻ ՈՒ ԱՇԽԱՐՀԻ ԲՐՈՆԶԵ ՄԵԴԱԼԱԿԻՐ ՌՈՒԴՈԼՖ ԳԱՐԲՈՅԱՆ