Նախկին նախարարին կասկածում են զորակոչային տարիքի տղամարդկանց երկրից դուրս գալուն աջակցելու մեջ

Ուկրաինայի մշակույթի նախարարի նախկին պաշտոնակատարի նկատմամբ քննություն է սկսվել՝ նրան կասկածելով զորակոչային տարիքի տղամարդկանց արտերկիր ապօրինի մեկնելուն աջակցելու մեջ։ Այդ մասին հայտնում է «Страна» պարբերականը։

Հրապարակման տվյալներով՝ խոսքը վերաբերում է Ռոստիսլավ Կարանդեևին։ Քննության վարկածով՝ մի խումբ տղամարդիկ պետք է լքեին երկիրը՝ որպես բարեգործական համերգների մասնակիցներ, սակայն սահմանապահ ծառայությունը մերժել է նրանց ելքը՝ նշելով, որ նրանք կապ չունեն երաժշտական գործունեության հետ։

Դրանից հետո, ըստ քննության, նախարարության ղեկավարությունը կրկին դիմել է սահմանապահ ծառայությանը՝ նույն անձանց արդեն որպես երաժշտական խմբի անդամներ ներկայացնելով։ Հաղորդվում է, որ այդ փաստաթուղթը դարձել է սահմանը հատելու հիմք։ Ըստ հրապարակման՝ ութ տղամարդ լքել է Ուկրաինան և մինչ օրս չի վերադարձել։ Գործը քննվում է պետական սահմանն ապօրինի հատելուն աջակցելու հոդվածով, ինչպես նաև ուսումնասիրվում են հնարավոր այլ դրվագներ և ներգրավված անձինք։

Այս թեմայով 11։11. Ի՞նչ է ուզում ճակատագիրը մեզ ասել, կրկնվող թվերի օրը Հաշմանդամություն ունե՞ք. 30 տարեկանում կենսաթոշակի համար բավական է 5 տարվա աշխատանքային ստաժ, կենսաթոշակը՝ առնվազն 46 000 դրամ Իրականում նոյեմբերի 9-ը չէր չարաբաստիկը, այլ նրա նախորդած 44 օրերը, 4 տարիները, 30 տարիները… Հայաստանի կառավարությունը երբեք չի մտնի մի պրոցեսի մեջ, որը դեմ է Իրանին կամ մյուս հարևան երկրներին. Սիմոնյան Թուրքիայում նախկին նախարար է կալանավորվել