Բելառուսում ուժի մեջ է մտել ԼԳԲՏ քարոզչության արգելքը

Բելառուսում ուժի մեջ է մտել համասեռամոլության և երեխաներ ունենալուց կամավոր հրաժարվելու քարոզչության համար վարչական պատասխանատվություն սահմանող օրենքը։ Այդ մասին հայտնել է Բելառուսի Ներկայացուցիչների պալատի (խորհրդարանի ստորին պալատի) մամուլի ծառայությունը։

«Վարչական պատասխանատվության հարցերով օրենսգրքերում փոփոխություններ կատարելու մասին» օրենքով պատասխանատվություն է սահմանվում համասեռամոլության, սեռափոխության, մանկապղծության (պեդոֆիլիայի) և անզավակության քարոզչության համար։

Նույն փաստաթուղթը վարչական պատասխանատվություն է սահմանում նաև ինվազիվ բույսերի տարածման և քանակի կարգավորման պահանջները չկատարելու համար։ Միաժամանակ արագացվում է վարչական գործընթացը, այդ թվում՝ անհրաժեշտ փաստաթղթերի և քաղաքացիներին պետական մարմիններ հրավիրելու դեպքերի թվի կրճատման շնորհիվ։

2024 թվականի ապրիլին Բելառուսի մշակույթի նախարարությունը ոչ ավանդական սեռական հարաբերությունների ցուցադրումը հավասարեցրել էր պոռնոգրաֆիային։ Էրոտիկայի, բռնության և դաժանության տարրեր պարունակող, ինչպես նաև սեռական կրթությանը և դաստիարակությանը վերաբերող արտադրանքի թողարկման, բազմացման, ցուցադրման, վարձույթի, վաճառքի և գովազդման կարգի վերաբերյալ հրահանգում ներառվել էին ոչ ավանդական սեռական հարաբերությունների և սեռական վարքագծի սահմանումներ։ Դրանց շարքին էին դասվել համասեռամոլությունը, բիսեքսուալ հարաբերությունները, պոլիամորիան, մանկապղծությունը (պեդոֆիլիան), զոոֆիլիան, նեկրոֆիլիան, սադիզմը, մազոխիզմը, վուայերիզմը, էքսհիբիցիոնիզմը, ֆետիշիստական տրանսվեստիզմը և տրանսսեքսուալությունը։

2025 թվականի փետրվարին երկրի գլխավոր դատախազ Անդրեյ Շվեդը, ելույթ ունենալով խորհրդարանում, առաջարկել էր վարչական պատասխանատվություն սահմանել համասեռամոլ հարաբերությունների, սեռափոխության, մանկապղծության, երեխաներ ունենալուց կամավոր հրաժարվելու քարոզչության համար, ինչպես նաև խստացնել ծնողների վարչական պատասխանատվությունը երեխաների դաստիարակության և խնամքի պարտականությունները չկատարելու դեպքում։ Ավելի վաղ Բելառուսի գլխավոր դատախազության այս առաջարկությունները աջակցություն էին ստացել երկրի նախագահի կողմից։

Այս թեմայով «Իրավունքի» հաղթանակը ընդդեմ ԼԳԲՏ ներկայացուցչի. Շնորհակալություն հրաշագործ փաստաբան Լեվոն Բաղդասարյանին Ելքը Ռուսաստան-Բելառուս միութենական պետության կազմի մեջ մտնելն է․ Պողոս Ակոպով Բեռլինում ԼԳԲՏ շքերթի ժամանակ մեքենան մխրճվել է ամբոխի մեջ Ուկրաինական իշխանություններն իրենց իսկ արտոնած ԼԳԲՏ-ական շքերթը ցրելու լավ ձեւ գտան (Տեսանյութ) Այսօր Կիևում ԼԳԲՏ-ները շքերթի են դուրս եկել (Տեսանյութ, Ֆոտո)