Քոչարյանը մոտավորապես նույն ոճի մեջ է, ինչ 2021թ. ընտրություններից հետո

«Մենք դեռևս ընտրական գործընթացի սկսվելուց առաջ էլ կարծում էինք, որ ընդդիմությունը կարող էր շատ ավելի ակտիվ համագործակցել, և հիմա, անշուշտ, այդ համագործակցությունն անհրաժեշտ է․ այն գտնվում է մեր ընդհանուր մոտեցման շրջանակում»։ Այս մասին մասին հայտարարել է Հայաստանի նախկին նախագահ, «Հայաստան» դաշինքի առաջնորդ Ռոբերտ Քոչարյանը՝ մեկնաբանելով միասնական ընդդիմադիր հարթակ ձևավորելու վերաբերյալ Սամվել Կարապետյանի նախաձեռնությունը։ Գնահատելով նման միավորման ստեղծման հեռանկարները՝ Քոչարյանն ընդգծել է, որ «Հայաստան» դաշինքը միշտ հանդես է եկել ուժերի ակտիվ համախմբման օգտին և լիովին պաշտպանում է այդ գործընթացը։

Իհարկե, «մի փոքր» տարօրինակ է հնչում. ինչպես 2021թ. այնպես էլ այս ընտրություններին հենց Քոչարյանն էր, որ առաջիններից մեկը հայտարարեց, որ ինքնուրույն է գնում ընտրութուններին: Օրինակ, անցած տարվա հոկտեմբերի 7-ի ասուլիսում նա ոչ միայն միանշանակ հայտարարեց «իր թիմով» ընտրությունենրին մասնակցելու մասին, այլ նաեւ մեծահոգաբար հայտարարեց, որ պատրաստ է առաջին համարը զիջել թիմից մեկ ուրիշի, եթե «կունենա առավելագույն շանսեր՝ սոցիոլոգիայի համաձայն»: Թեեւ այդ պահին էլ էր հասկանալի, որ որեւէ այլ մեկին «սոցոլոգիան» թույլ չի տա առաջնորդի դերը Երկրորդ նախագահից վերցնել:

Ի դեպ, հնարավոր է, որ նաեւ նման հայտիվ հետո Սամվել Կարապետյանն էլ իր հերթին որոշեց, որ ինքնուրույն է գնալու ընտրությունների: Ու հիմա Կարապետյանը գոնե խոստովանում է, որ դա սխալ էր: Քոչարյանի մոտ, թերեւս, պատկերն այլ է. հիմա նա «ընդդիմության միավորման» առաջամարտիկ է:

Ի դեպ, մեկ այլ հանգամանք եւս Ռոբերտ Քոչարյանը կրինում է` 2021թ. ընտրությունների «լավագույն ավանդույթներով»:

Այսպես, Քոչարյանը վստահորեն պնդում է, որ ընտրական փուլը եղել է կեղծիքների, ընտրակաշառքի և ընդդիմության դեմ քրեական գործերով. «Փաշինյանն իր քարոզարշավի 90%-ը կառուցեց ատելության հոսքերի և «սպանելու, նստեցնելու, պատերին ծեփելու» սպառնալիքների վրա, ինչը վկայում է ոչ թե պարզապես դաստիարակության պակասի, այլ ակնհայտ քաղաքական հոգեվարքի և անհավասարակշիռ հոգեկան վիճակի մասին»,– ընդգծել է քաղաքական գործիչը։ Ու այս փուլում նա ակնկալու է, որ լուծումը կարող է գալ Սահմանադրակա դատարանից: Բայց ամեն դեպքում այն մտքին է, որ այս իշխանությունը երկար չի ձգի:

Ուղիղ 5 տարի առաջ` հունիսի 22-ին Ռոբերտ Քոչարյանն մոտավորապես նույն միտքն էր ընդգծում. «Պետք է խոստովանեմ, որ ընտրությունների արդյունքները անսպասելի էին մեզ համար։ Կարծում եմ՝ անսպասելի էին նաև շատերի համար, առաջին հերթին այն պատճառով, որ բոլոր հարցումներն այլ պատկեր էին ցույց տալիս։ Մենք ենթադրում ենք, որ եղել են ակնհայտ խախտումներ, մենք տեսել ենք վարչական ռեսուրսի կիրառում, դրա համար դիմելու ենք ՍԴ՝ ընտրությունների արդյունքները քննարկելու համար... Համոզված եմ, որ այն մանդատը, որը ստացել է այս իշխանությունը, այս իշխանության վստահության մանդատը չէ... Սա երևի հեղափոխության վերջին փամփուշտն էր»: 

Հետո գնացին, հանգիստ մանդատները վերցրեցին եւ այդպես էլ հանելուկ մնաց, թե 5 տարի ինչ արեցին, որ այդ «վերջին փամփուշտը» արձակած Նիկոլը հեռանա: Իհարկե, բացի նրանից, որ մի գլուխ ժողովրդին էին մեղադրում, թե փողոց չի ելում: Ու եթե հիմա էլ են հույսները ՍԴ-ի վրա դրել, ու մտածում են մանդատ վերցնել-չվերցնելու մասին, էլի ժողովուրդը հազիվ թե այս ընդդիմության կոչով փողոց դուրս գա:

Տե´ս նաեւ https://t.me/iravunk/68689 

Այս թեմայով Մերցը պաշտոնաթողության եզրին է՝ ընդամենը 16 ամիս իշխանության գալուց հետո. POLITICO Քոչարյանը՝ Փաշինյանին ձեռքով կանչելու մասին․ «էնքան ասեց՝ կոշիկդ հանելու եմ, ասեցի՝ արի, հանի» «Խլուրդը դո՛ւք եք, գաղտնիք բացեմ՝ ձեզնից ա ինֆորմացիան եկել»․ Լևոն Քոչարյանը՝ Նիկոլ Փաշինյանին Նախկին վարչապետի ընտանիքը սգում է Սահմռկեցուցիչ դեպք՝ Երևանում․ 18-ամյա աղջիկը հայտնել է՝ «Էրոն» կամրջի տակ սեռական հարաբերություն է առաջարկել, մերժումից հետո գետնին է գցել ու փորձել համբուրել