Գեղամ Գևորգյանը՝ անձրևի ժամանակ տաքսի ծառայությունների գնի քառակի բարձրացման մասին

Ազգային ժողովի նիստին Մրցակցության և սպառողների շահերի պաշտպանության հանձնաժողովի՝ 2025 թվականի պետական բյուջեի կատարողականի քննարկման ժամանակ պատգամավոր Գեղամ Նազարյանն իր մտահոգությունը հայտնեց, որ տաքսի ծառայություններն անձրևի ժամանակ կարող են 4 անգամ բարձրացնել ծառայության գինը: Պատգամավորը հետաքրքրվեց՝ ե՞րբ է կարգավորվելու հարցը:

Մրցակցության և սպառողների շահերի պաշտպանության հանձնաժողովի նախագահ Գեղամ Գևորգյանը պարզաբանեց՝ ծառայության գինը ոչ թե անձրևի պատճառով է թանկանում, այլ առաջարկ-պահանջարկի:

«Ալգորիթմը հետևյալ ձևով է աշխատում. այն ժամանակը, որ վարորդը ծախսելու է Ա-ից Բ կետը հասնելու համար, և կիլոմետրը: Ձեր ասած անձրևի ժամանակ Ա-ից Բ կետ հասնելու համար վարորդն ավելի շատ ժամանակ է ծախսում, դրանից բացի՝ կա գործակից, որն առաջարկ-պահանջարկի հիման վրա է [ձևավորվում]: Առավելագույն գործակիցը մենք սահմանափակել ենք և սարքել ենք 2 անգամ, և երկու անգամից ավելի գործակցի պարագայում «Յանդեքս» ընկերությունն ընդհանրապես գումար չի աշխատում, այսինքն՝ եթե նույնիսկ գինը բարձրացավ, ամբողջ գումարը մնում է տաքսու վարորդին»,- ասաց նա:

Այս թեմայով Տաքսի են նստում, օդանավակայանից Երևանի կենտրոն 40 հազար են ասում, սա երկրի իմիջի մասին լավ չի ասում Երևանում բնակարանների շուկայական գները շարունակել են աճել․ ամենաբարձր գինը՝ Կենտրոնում 2026թ․-ի հունվար-ապրիլին Հայաստանում սպառողական գների ինդեքսն աճել է 4.5%-ով Տղե՛րք, «փա՞յ» ունեք, եթե ո՛չ, խի՞ չեք հետևում՝ 100 հազար վարորդի խախտված իրավունքները վերականգնվեն Եթե մեր խնդիրը չլուծվեց, պարալիզացնելու ենք քաղաքը, խի՞ պիտի խաբված զգամ ինձ. տաքսու վարորդ