Գրաքննությանը դեմ եմ. ՀՌԱՀ-ի նախագահը՝ հայկական ու հնդկական սերիալների մասին

ՀՀԿ մամլո խոսնակ,  ՀՀ ԱԺ փոխնախագահ Էդուարդ Շարմազանովն այսօր  խորհրդարանում ՀՌԱՀ նախագահ Գագիկ  Բունիաթյանին հորդորեց  ուշադրություն դարձնել հայկական հեռուստաընկերություններով  հեռարձակվող հայկական  սերիալների բովանդակությանը եւ անգամ քննարկել սցենարները: «Իրավունքը» Գագիկ Բունիաթյանից հետաքրրքվեց՝  ունի՞ ՀՌԱՀ-ն այդպիսի լիազորություն: «Դա մեր տիրությում չէ: Իրավունք չունենք նման բան անել: Ես  կողմնակից չեմ գրաքննությանը»,- ասաց Բունիաթյանը:

-Փաստորեն, կողմնակից եք, որ  հեռուստաալիքներով ցուցադրեն, այն, ինչ ուզում են: 

-Գիտեք,  հեռուստատեսությունը հանրության հայելին է:

-Կարծում եք, որ այն, ինչ ցուցադրում են, հանրության պահանջո՞վ է:

-Ոչ: Հեռուստատեսությունն աշխատում է իր վարկանիշի վրա, ինչ-որ բաներ է  փոխում, բայց մյուս  կողմից՝ վարկանիշ ապահովում է այն, ինչը հետաքրքրում է մեր բնակչությանը, հեռուստադիտողին: Այդ միջինը դժվար է  գտնել:

-Գրաքննության կողմնակիցները ասում են, որ հայկական սերիալներում բռնություն են քարոզում:

-Բռնության քարոզ չկա: Մենք դրան հետեւում ենք: 

-ՀՌԱՀ-ը կարիք ունի՞ լրացուցիչ գործառույթների՝ հեռուստաընկերությունների գործունեությունը վերահսկելու, գրաքննելու եւ ավելի լավ արտադրանք ապահովելու համար:

-Ոչ, դրա կարիքը չունենք: Գրաքննելը մեր հանձնաժողովի տիրույթում չպետք է լինի:

_Այդ դեպքում ինչպե՞ս  ճաշակ ձեւավորել:

_Դա բոլորիս խնդիրն է: Մենք պատրաստ ենք  հարթակ տալ շահագրգիռ կողմերին, որ քննարկենք այս խնդիրը, ինչ-որ եզրակացություն անենք: Հիշենք՝ 10 տարի մեր հեռուստասերիալները:

-Բրազիլական ու մեքսիկական էին, հիմա էլ, ըստ քննադատողների,  ցածրաճաշակ հայկական հեռուստասերիլաներն են:

-Դա շատ լավ է: Մենք տարածաշրջանում  առաջատար ենք:

-Դուք նայո՞ւմ եք այդ սերիալները:

-Ոչ: Նախ այդքանը հնարավոր չէ նայելը:  Բայց դա չի նշանակում, որ դրանք լավն են կամ վատը: Մեր հեռուստատեսությունը մրցունակ է թե տարածաշրջանում, թե Եվրոպայում: 

-Հնդկական սերիալներին ինչպե՞ս եք վերաբերվում:

-Առանձնապես դեմ չեմ, բայց ամեն ինչ պետք է չափի  մեջ լինի: 1-2-ը լիներ, լավ, բայց համաշխարհային թրենդ է:

-Հեռուստաընկերություններից մեկը  իր  լուրերի թողարկումն ընդմիջում է գովազդով: Դա  օրենքով ճի՞շտ է:

-Լրատվական թողարկումը չի կարող ընդհատվել  գովազդով: Ձեր ասածն ընդունում եմ  ի գիտություն: 

ՍՈՆԱ ԴԱՎԹՅԱՆ

Այս թեմայով Գերմանիայից ժամանած բժշկին թույլ չեն տվել «Երևան-Կենտրոն» ՔԿՀ-ում զննել Գագիկ Խաչատրյանին․ հայտարարություն Գագիկ Ղազինյանը հայց է ներկայացրել ԵՊՀ-ի դեմ Գագիկ Խաչատրյանի փաստաբանները պարզաբանում են ներկայացրել 193 գույքի և պարտատոմսերի վերաբերյալ Երևան քաղաքի բյուջեից շուրջ 11 միլիոն դրամ կհատկացվի Հանրային հեռուստաընկրությանը Նեկրոդատավարությունների երկիր Հայաստան