Մանդատ ստանալը չի խանգարում, որ ընդունեն՝ գործընթացը կեղծված է.Սահմանադրագետ

Հանրային ու քաղաքական տարբեր շրջանակներ ահազանգում են, որ ընտրություններն անցել են խախտումներով, ուղեկցվել բռնաճնշումներով, հետևաբար՝ պետք է վիճարկել առհասարակ դրանց օրինականությունը։ Ի դեպ, «Հայաստան» դաշինքն արդեն իսկ հայտնել է՝ կդիմի Սահմանադրական դատարան՝ վիճարկելու ընտրությունների արդյունքները:

3 հանգամանք կա․ առաջինը՝ ապացույցների բազան, որն այս պահի դրությամբ, ըստ արձանագրումների, որոնց ծանոթանում ենք ըստ ԶԼՄ-ների, սոցիալական ցանցերի հրապարակումների, բավականին մեծ է։ Ու եթե դա ամբողջացվի, համակարգվի, ակնհայտ է դառնում՝ այս ընտրությունները չեն կարող լինել արդար, թափանցիկ, քանի որ այդ խախտումների ծավալն այնպիսին է, որ ազդել է արդյունքների վրա։ Միայն այն փաստը, որ, ըստ էության, բոլոր վերահաշվարկների արդյունքում հայտնաբերվել են խնդիրներ, արդեն իսկ ապացուցում է նվազագույնը՝ կազմակերպչական խնդիրները և կազմակերպման որակը։

Երկրորդը, որը վերաբերում է Սահմանադրական դատարանից ակնկալիքին․ մինիմալ սպասումն այն է, որ դատական նիստով հնարավոր լինի ուղղակիորեն ցույց տալ այս կեղծիքները, որպեսզի ժողովուրդը միայն քաղաքական խոսույթից դրա մասին չտեղեկացվի, այլ հստակ տեսնի, որ կա խնդիր։ Չեմ բացառում, որ, եթե այդ ժամանակ լինի բավարար քաղաքական, քաղաքացիական ակտիվություն, Սահմանադրական դատարանը նաև, իր ամեն ինչով հանդերձ՝ այլ որոշում կայացնի։

Այլ որոշումը, սա արդեն 3-րդ կետն է, կարող է լինել սահմանափակ քննադատող որոշումից, որ, օրինակ, ընտրությունը արդար չի եղել, վերջացրած՝ ընտրությունը անվավեր ճանաչելով; Վերջինի հավանականությունը շատ փոքր եմ գնահատում, սակայն չեմ բացառում։ Իսկ փոքր հավանականությունը, ոչ թե ապացուցողական դաշտի, այլ Սահմանադրական դատարանի կառուցվածքի խնդիրներով է պայմանավորված:

Մանդատներ վերցնել-չվերցնելու հարցն էլ, ըստ սահմանադրագետի.

-Այս պարագայում ունեմ հստակ պատկերացում, որ մանդատներ չվերցնելը տարբերակ չէ, բայց մեկ «բայց»-ով․ սա ենթադրում է, որ դրանից առաջ պետք է իմ ասած գործընթացը լինի, պետք է բոլորի համար շատ ակնհայտ լինի կեղծիքը, և եթե բոլորի համար շատ ակնհայտ հնարավոր եղավ ցույց տալ կեղծիքը, այդտեղ քննարկումը մանդատ վերցնել-չվերցնելու հարցի շուրջ չի լինելու․ մանդատ վերցնելու գործիքը չի խնդիրը, այլ հանդարտ պառլամենտ չգնալու գործիքն է։ Այսինքն`այդ մանդատ ստանալը չի խանգարում, որ ընդունեն՝ գործընթացը կեղծված է, և դրա շրջանակներում քաղաքական գործունեությունը, քաղաքական ակտիվությունը շարունակվի, որովհետև ցանկացած քաղաքական գործընթաց, որը տեղի կունենա, եթե Սահմանադրական դատարանի որոշումը այն չի, որը անվավեր կճանաչի և նոր ընտրություններ, նոր քվեարկություն կնշանակի, համապատասխանաբար ենթադրում է, որ պետք է լինի ինչ-որ այլ պրոցես՝ կարող է լինել կա՛մ հրաժարական, կա՛մ վստահության գործընթաց, բայց այդ ամբողջ պրոցեսների համար, միևնույն է, պետք է լինի պառլամենտում ներկայացվածություն

Այս թեմայով ՇՏԱՊ. Նարիմանյանը ցույց է տալու այն մարդկանց, ովքեր դիմակով և առանց դիմակի բռնության են ենթարկել. Խորխոռունու սպանության հետքերով Նոր զարգացումներ Խորխոռունու սպանության գործով. «Իրավունք» Եկեղեցին բրգաձև կառույց է, ու նրա բոլոր ուժագծերը կենտրոնացած են գագաթում, այսինքն՝ եթե դու գագաթի քարը պոկում ես, այդ ուժագծերը սկսում են քանդվել Բնությունը երբեք չի ճանաչել բացառություններ. Արցախցի փաստաբանը ազգային մարտահրավերների մասին Ես կարծում եմ՝ Հայաստան-Ադրբեջան գործընթացը հիմա ավելի առաջ է, քան Հայաստան-Թուրքիա գործընթացը. Ռուբինյան