Հայտնի չէ, թե կոնկրետ ինչի տակ են ստորագրել Իրանը եւ ԱՄՆ-ն

Դեռ պաշտոնապես ներկայացված չէ, թե կոնկրետ ինչ համաձայնագիր են ստորագրել Իրանը եւ ԱՄՆ-ն: Միայն կան հայտարարություններ, որ համաձայնագրի ամբողջական տեքստը կներկայացվի այս ուրբաթ դրա վերջնական ստորագրումից հետո:

Կան միայն մոտավոր նախնական տեղեկություններ տարբեր առանցքային հարցերի մասին: Մասնավորապես, ըստ Իրանի փոխարտգործնախարար Ղարիբաբադի. «Մեր պարտավորությունները կսկսվեն ուրբաթ օրը»:

Իսկ մինչ այդ պետք է նախ` տեղի ունենա Իսրայելի զորքերի դուրսբերումը Լիբանանի սահմաններից և շրջափակման անհապաղ վերացումը:

Խոսակցություններ կան, որ համաձայնագիրը նախատեսում է Հորմուզի նողուցով անցման իրավական դաշտի կարգավորում Իրանի և Օմանի համագործակցությամբ։ 

Դատելով Ղարիբաբադիի հայտարարություններից, ենթադրվում է, որ 60-օրյա բանակցային ժամանակահատվածում կքննարկվեն Իրանի Իսլամական Հանրապետության դեմ պատժամիջոցների ամբողջական վերացման հարցերը՝ ինչպես առաջնային, այնպես էլ երկրորդական, ինչպես նաև ՄԱԿ-ի Անվտանգության խորհրդի և ՄԱԳԱՏԷ-ի որոշումների դադարեցման հարցերը։

Եթե ​​վերջնական համաձայնություն ձեռք բերվի, բոլոր պատժամիջոցները կհանվեն։

Իսկ ի՞նչ է լինելու, եթե համաձայնություն չլինի: Կամ, օրինակ, ՄԱԿ ԱԽ անդամ հանդիսացող երկրներից մեկը, ասենք` Բրիտանիան վետո կիրառի Իրանի դեմ պատժամիջոցների չեղարկման հարցով:

60 օրվա ընթացքում բանակցությունների երկրորդ առանցքային հարցը կլինի միջուկային ծրագիրը։ Այստեղ եւս հարցականներ կան. ո՞րն է գոնե մոտավոր երաշխիքը, որ վերջնական համաձայնություն կլինի: Ու եթե այդպես էլ լեզու չգտնեն, նշանակո՞ւմ է, որ ողջ աշխատանքը ջուրն է լցվելու:

Մեկ այլ խնդիր է լինելու երկու կողմերի պարտավորությունների կատարման և կատարման մոնիտորինգի մեխանիզմների որոշումը։ 

Այսպիսով, այն մոտավոր տեղեկությունները, որոնք կան համաձայնագրի մասին, հուշում են, որ այնտեղ ներառված են ընդհանրական թեզեր, այդ թվում` ամենակարեւոր հարցերի շուրջ: Այսինքն, բոլոր հիմնական հարցերի լուծումները ոչ թե պարզապես հետաձգված են` թողնվելով 60-օրյա բանակցություններին, այլ նաեւ այդ լուծումները որոշ դեպքերում կախված են համաձայնագրի հետ որեւէ ուղիղ առնչություն, պարտավորություն չունեցող կողմերից: Լիբանանի հարցը` Նեթանյահույից, ՄԱԿ-ի որոշումների հարցը` ԱԽ մշտական անդամներից եւ այլն:

Ամեն դեպքում, կարեւոր է համաձայնագրի ամբողջական տեքստի հրապարակումը, որն ավելի ռեսլ պատկերացումներ կտա սպասելիքների մասով:

Տե´ս նաեւ https://t.me/iravunk/68480 

Այս թեմայով Երբ կարող է տեղի ունենալ ԱՄՆ-ի հաջորդ խոշոր հարձակումը Իրանի վրա Վիրավոր իմ Հայաստան, դու դեռ ուղղելու ես քո ողնաշարը Թող մեր եռագույնը միշտ հպարտ ծածանվի ազատ և խաղաղ երկնքի տակ Իրանը խոշոր ուժեր է տեղակայել բոլոր սահմաններում՝ հնարավոր ցամաքային հարձակումը հետ մղելու համար ԱՄՆ-ն սպառում է հրթիռները. Bloomberg