Իրանի եւ ԱՄՆ- միջու համաձայնագիր այսօր չի կնքվի. Իրանական ժողովուրդը բողոքում է

Թեհրանում և Իրանի այլ քաղաքներում բողոքի ցույցեր են ԱՄՆ-ի հետ խաղաղության հուշագրի հնարավոր ստորագրման կապակցությամբ։

Մասնակիցները պնդում են, որ «իշխանությունները և բանակցողները վաճառում են երկրի ինքնիշխանությունը ժողովրդի մեջքի ետևում»։

Կարգախոսներ են հնչում նաև Իրանի արտգործնախարար Աբբաս Արաղչիի և Իրանի խորհրդարանի խոսնակ Ղալիբաֆի դեմ.

«Մահ Արաղչիին՝ անբարեխիղճ փոխզիջման գնացողին»։

«Արաղչի, ամոթ, դադարեցրու զիջել Ամերիկային»։

«Ղալիբաֆ, Արաղչի, հրաժարական տուր, հրաժարական տուր»։

Թերեւս, նաեւ հանրային նման ճնշման արդյունքում Իրանի ԱԳՆ-ն հերքեց Թրամփի հայտարարությունը` այսօր ԱՄՆ-ի հետ համաձայնագր ստորագրելու վերաբերյալ։

«Մենք պետք է սպասենք և տեսնենք փոխըմբռնման հուշագրի ստորագրման ճշգրիտ ամսաթիվը. այն հաստատ վաղը չէ», - ասաց Իրանի արտգործնախարարության խոսնակ Իսմայիլ Բաղային։

Այնուամենայնիվ, նա չբացառեց համաձայնագրի ստորագրումը մոտ ապագայում։ Թեհրանի և ԱՄՆ-ի միջև հունիսի 14-ին հուշագրի ստորագրումը բացառված է, ավելի վաղ հաղորդել էր իրանական FARS լրատվական գործակալությունը։

Իրանական կողմը պնդում է, որ վերջնական համաձայնություններ դեռևս չեն ձեռք բերվել: Նաեւ, որ Սպիտակ տունը ճնշում է գործադրում Իրանի վրա՝ կիրակի օրը փաստաթուղթը ստորագրելու համար, քանի որ Թրամփը երազում է ստորագրումը համընկացնել իր հոբելյանական տարեդարձի հետ՝ այն վերածելով անձնական խորհրդանշական հաղթանակի։

Տե´ս նաեւ https://t.me/iravunk/68427 

Այս թեմայով Համաշխարհային տնտեսությունն ավելի է զգուշանում ԱՄՆ-ից «Ժողովուրդ». Այսօր կորոշեն Հայկ Սարգսյանի ճակատագիրը Իրանի միջուկային զենք ստեղծելու վերջին զգուշացումը հղեց Երբ կարող է տեղի ունենալ ԱՄՆ-ի հաջորդ խոշոր հարձակումը Իրանի վրա Այսօր Հայաստանը նշում է Անկախության օրը