Ինչպես է Վրաստանը դիմավորել հայերիս նախկին փեսային. տեսանյութ

Վրստանի մայրաքաղաք Թբիլիսիում, հունիսի 12-ին «Դինամո Արենա» մարզադաշտում ռեփեր, երաժշտական պրոդյուսեր եւ նորաձեւության դիզայներ ՔԱՆՅԵ ՈՒԵՍԹԸ, հավաքել է ավելի քան 70 հազար հանդիսատեսի։

Քանյեի Վրաստան կատարելիք այցի մասին հայտարարվել էր մայիսի սկզբին։ Տոմսերը ժամերի ընթացքում էին վաճառվել։ Կազմակերպիչները դեռեւս չեն հաշվարկել համերգի տնտեսական ազդեցությունը։ Տոմսերի գինը տատանվում էր 270-ից մինչեւ 1600 լարի, սակայն վերջնական եկամուտների եւ զբոսաշրջության վրա ազդեցության մասին դեռեւս չի հայտարարվել։ր

Մենահամերգն անցել է գերազանց, գերժամանակակից լույսային էֆեկտներով, հզոր հնչեղությամբ: Լինելով իր ոճին հավատարիմ, երգիչը բեմահարթակը վերածել էր ահռելի գլոբուսի, որի վրա էլ երկու ժամ անդադար կատարելի է իր հայտնի երգերը՝ կենդանի հնչեղությամբ:

Համերգին ներկա են եղել տարբեր երկրներից ժամանած հյուրեր, այդ թվում նաեւ Հայաստանից, Ռուսաստանից: Հայաստանից ժամանել էին մեծաքանակ երկրպագուների խումբ, ինչի պատճառով, Հայաստան-Վրաստան ճանապարհը դարձել էր փոքրի ինչ դժվար անցանելի:

Հիշեցնենք, որ աշխարահռչակ ռեփերը 2015 թվականին կնոջ, ազգությամբ հայ, մոդել եւ մշտապես սկանդալների մեջ գտնվող Քիմ Քարդաշյանի հետ այցելել էր Հայաստան: Նրանք այցելել էին Ծիծեռնակաբերդի հուշահամալիր՝ հարգանքի տուրք մատուցելով ցեղասպանության անմեղ զոհերի հիշատակը: Իսկ հաջորդ օրը՝ Քանյեն Երեւանում՝ «Կարապի լճի» հարակից տարացքում ոչ միայն անվճար համերգ էր կազմակերպել, այլեւ նետվել էր լճի մեջ՝ երկրպագուների հետ միասին:

2022 թվականին Քարդաշյանը պաշտոնապես բաժանվել է Քանյեից:

ՆԱՆԱ ՍԱՐԳՍՅԱՆ

Այս թեմայով Քանյե Ուեսթի համերգը Մոսկվայում․ հայտնի է նոր որոշումը Ռուսաստանում չեղարկել են Քանյե Ուեսթի համերգը նրա նացիստական եւ հակասեմական արտահայտությունների պատճառով Քանյե Ուեսթի ինստագրամյան էջի գլխավոր լուսանկարում Քրիս Ջեններն է Քիմ Քարդաշյանն ու Փիթ Դևիդսոնը բաժանվել են Քանյե Ուեսթը ԱՄՆ նախագահական ընտրություններին մասնակցելու հայտ է ներկայացրել