Նիկոլը մեր ձայները կեղծեց, որպեսզի պետական ֆինանսավորման տակ չգնանք. Մարուքյան

Խորհրդարանական ընտրությունների արդյունքից դժգոհում են գրեթե բոլոր մասնակից ուժերը: Այդ դժգոհողների շարքում է նաեւ, ըստ նախնական տվյալների, ընտրողների 0.496 տոկոս ձայները ստացած «Լուսավոր Հայաստան» կուսակցության ղեկավար ԷԴՄՈՆ ՄԱՐՈՒՔՅԱՆԸ:

«Իրավունք»-ի հետ զրույցում նա ասաց, որ, ամեն դեպքում, սպասում է վերջնական արդյունքներին, որից հետո հանդես կգա հայտարարությամբ։ Այնուհանդերձ, մինչ այդ ԼՀԿ նախագահը որոշ տվյալներ է ներկայացրել:

«Օրինակ՝ 21/02 ընտրատեղամասում մեր քաղաքական ուժը ստացել է 2 ձայն, սակայն Կենտրոնական ընտրական հանձնաժողովի հրապարակված տվյալներում արձանագրված է 0 ձայն։ Նույն պատկերը տեսնում ենք նաեւ այլ տեղամասերում՝ 21/14-ում ստացել ենք 1 ձայն, սակայն հրապարակվել է 0, 21/15-ում՝ 1 ձայն, հրապարակվել է 0, 21/17-ում՝ 6, հրապարակվել է 0, 21/24-ում՝ 1 ձայն, հրապարակվել է 0, 21/26-ում՝ 3 ձայն, հրապարակվել է 0, 21/32-ում՝ 4 ձայն, հրապարակվել է 0, 21/33-ում՝ 3 ձայն, հրապարակվել է 0։ Խոսքը փոքր համայնքների մասին է, որտեղ յուրաքանչյուր ձայնի արժեքն ակնհայտ է։ Եթե տվյալ քաղաքացիները մասնակցել են ընտրություններին եւ իրենց ձայնը տվել են մեզ, ապա ինչպե՞ս է ստացվել, որ պաշտոնական հրապարակված տվյալներում այդ ձայները զրոյացվել են։ Ես չեմ պնդում, որ այս հանգամանքը փոխում է ընտրությունների ընդհանուր արդյունքը կամ մեզ դարձնում է անցողիկ քաղաքական ուժ, սակայն փաստը մնում է փաստ՝ առկա են անհամապատասխանություններ, որոնք պետք է ստանան հստակ եւ հրապարակային պարզաբանում։ Եթե նման դեպքերը կրկնվել են հարյուրավոր կամ հազարավոր տեղամասերում, ապա խոսքն արդեն հանրային եւ պետական նշանակության խնդրի մասին է։ Բացի այդ, նման շեղումները կարող են ազդել ոչ միայն քաղաքական ուժերի ստացած տոկոսների, այլեւ պետական ֆինանսավորման եւ այլ իրավական հետեւանքների վրա։ Հետեւաբար, անհրաժեշտ է մանրակրկիտ ուսումնասիրել ու պարզել, թե ինչու են իրական ու հրապարակված տվյալների միջեւ առաջացել նման տարբերություններ»,-ասաց Մարուքյանը։

Ըստ ԼՀԿ նախագահի` սա արվել է նպատակային, որպեսզի կուսակցությունը նաեւ չֆինանսավորվի:

«Ես չեմ ասում, որ մենք անցողիկ ուժ ենք եղել, անցել ենք, բայց մեր ձայները կեղծվել են, երկու հազար տեղամասում նույն բանն են արել։ Առաջինը՝ որ քիչ ձայն գրեն մեր թվի առաջ, երկրորդ՝ Նիկոլը սա արել է, որ պետական ֆինանսավորման տակ չգնանք։ Այս հինգ տարիներին իր պրոքսի ուժերով միայն պետական բյուջեից փող ստանան, գրասենյակ պահեն, որ մյուս ընտրություններին էլի խաղան»,- ասաց Էդմոն Մարուքյանը:

ՆԱՆԱ ՍԱՐԳՍՅԱՆ

Այս թեմայով Նի­կո­լը ո­րո­շել ա էդ­մո­նին կ­լա­սիկ պատ­գա­մա­վո­րից վե­րա­ծի կ­լա­սիկ կա­լա­նա­վո­րի. ԸՆԿԵՐ ՓԱՆՋՈՒՆԻ Ռուսական բեմում ինձ արդեն վաղուց գիտեն. Ռազմիկ Մարուքյանը Մոսկվայից վերադարձել է մեդալով Էդմոն Մարուքյան, հլը բախտդ փորձի. Դավիթ Մկրտչյանի ջախջախիչ արձագանքը «Մինչեւ վերջին խազը կզցնելու» խոստումնե՞ր. ԶԱՐՄԱՆՔ «Մանկապղծության դեպքը Վեդիում կոծկում էին, նոր բացահայտվեց»․ Մարուքյանը՝ Գալյանին