ԻՀՊԿ-ն մեկնաբանել է ամերիկյան բազաներին հասցված իշերային հարվածները

Իսլամական հեղափոխության պահապանների կորպուսը (ԻՀՊԿ) մեկնաբանելով այս գիշեր ամերիկյան բազաներին հասցված հարվածները, հայտնում է.

«Ամերիկյան ահաբեկչական ուժերը հարվածներ են հասցրել իրանական Ջասկ, Սիրիկ և Քեշմ շրջաններում գտնվող թիրախներին։

ԱՄՆ ագրեսիան պաշտոնապես արդարացվել է ամերիկյան ուղղաթիռի խոցմամբ, սակայն Թեհրանը այս պատրվակը մերժել է որպես անհիմն։

Հարձակման հետևանքով, ըստ տեղեկությունների, վնասվել են քաղաքացիական ենթակառուցվածքները. Սիրիկում վնասվել է հեռահաղորդակցության աշտարակ, իսկ Բեմանի շրջանում ոչնչացվել են երկու ջրամբարներ։

Իսլամական Հանրապետության ինքնիշխանության խախտմանը ի պատասխան՝ իրանական զինվորականները համակարգված հարձակումներ են սկսել տարածաշրջանում ամերիկյան թիրախների դեմ։

Ժամը 2:30-ին ԻՀՊԿ ռազմածովային ուժերը և Իրանի բանակը անօդաչու թռչող սարքեր և հրթիռներ են օգտագործել Բահրեյնում գտնվող ԱՄՆ հինգերորդ նավատորմի օբյեկտների (ներառյալ ռադարային համակարգերը), ինչպես նաև Քուվեյթում գտնվող ԱՄՆ ռազմաօդային ուժերի Ալի ալ-Սալեմ ավիաբազայի վրա հարձակվելու համար։

Հորմուզի նեղուցի վրայով օդային դիմակայության ժամանակ ԻՀՊԿ-ի հակաօդային պաշտպանության համակարգերը որսացել և խոցել են ամերիկյան MQ-9 գրոհային անօդաչու թռչող սարքը Ջամ քաղաքի (Բուշեհր նահանգ) վրա»։

Տեղական աղբյուրները հայտնել են Քուվեյթի Ալ-Ջահրա ավիաբազայի մոտակայքում տեղի ունեցած պայթյունների մասին։ Միաժամանակ, մի շարք պայթյուններ են գրանցվել Բահրեյնում, որտեղ տեղական իշխանությունները բնակչությանը խորհուրդ են տվել անվտանգ ապաստան գտնել։

Այս թեմայով ԻՀՊԿ. Գերմանիայում կայացած գաղտնի հանդիպման ժամանակ որոշվել է ռազմական գործողություններ ձեռնարկել Իրանի և Եմենի դեմ  «Ալ Արաբիա». ԻՀՊԿ-ի փորձագետները ժամանել են Բաբ էլ-Մանդեբի նեղուցի հատված՝ պաշտպանական համակարգեր կառուցելու համար Ամերիկյան գերգաղտնի ռազմական բեռը սխալմամբ ուղարկվել է... Չինաստան Ռուսաստանը Իրանին տրամադրել է արբանյակային տվյալներ՝ ամերիկյան բազաներին հարվածների համար. CNN Իրանը առնվազն 18 բալիստիկ հրթիռ է արձակել ամերիկյան ռազմանավերի եւ տանկերների վրա