Ընտրություն կատարելիս ՀՀ-ն պետք է հիշի՝ ՌԴ-ն է միշտ եղել նրա անկախության երաշխավորը․ Շվիդկոյ

ԵԱՏՄ-ի և ԵՄ-ի միջև ընտրություն կատարելիս Հայաստանը պետք է հիշի, որ Ռուսաստանն է եղել նրա անկախության երաշխավորը, ասել է Ռուսաստանի նախագահի հատուկ ներկայացուցիչ Միխայիլ Շվիդկոյը։

«Ռուսաստանը միշտ եղել է Հայաստանի անկախության երաշխավորը։ Կարծում եմ՝ այս ամենը պետք է հիշել և հաշվի առնել, երբ Հայաստանի ղեկավարությունը որոշում է, թե որ միությանը միանալ։ Միաժամանակ ԵԱՏՄ-ի և ԵՄ-ի անդամ լինելը գործնականում անհնար է», – ասել է հատուկ ներկայացուցիչը։

Շվիդկոյի խոսքով, հայ և ռուս ժողովուրդների միջև կան խորը պատմական կապեր։ Հայաստանը, իր ժամանակակից տեսքով, մեծապես ձևավորվել է Ռուսական կայսրության, իսկ ավելի ուշ՝ Խորհրդային Միության ջանքերով։

«Մենք չենք ուզում, որ մեր հարաբերությունները այդքան միակողմանի լինեն։ Ամեն դեպքում, մեկ կողմի պրագմատիզմը կորոշի մյուս կողմի պրագմատիզմը։ Մենք, անշուշտ, չենք ուզում, որ Ռուսաստանը օգտագործվի պարզապես որպես էժան ածխաջրածինների մատակարար կամ որպես սեփական արտադրանքի իրացման շուկա, որը հնարավոր չէ իրացնել ԵՄ երկրներում», – պարզաբանել է Շվիդկոյը։

Այս թեմայով Լեռնային Ղարաբաղում Այվազովսկու հուշարձանի ապամոնտաժումը ցավալի է և խորապես անընդունելի. Միխայիլ Շվիդկոյ Հայ-ռուսական հարաբերությունները միշտ եղել են սիրով, այլ ոչ թե սվիններով. Միխայիլ Շվիդկոյ Ղարաբաղի հակամարտության կարգավորումը կախված է նաև մտավորականությունից. Միխայիլ Շվիդկոյ