Ընտրվել է մի իշխանություն, որը վեր է դասում այլ պետությունների շահերը. Արման Աբովյան

Հայաստանում խորհրդարանական ընտրությունների արդյունքների եւ Հայաստանի  հետագա աշխարհաքաղաքական զարգացման հեռանկարների մասին ԲՀԿ կուսակցության պատգամավորի թեկնածու, քաղաքական վերլուծաբան Արման Աբովյանն ասաց հետեւյալը.

-Ընտրությունների մասով կարող եմ ասել հետեւյալը`ըստ էության` մենք տեսանք խուլիգանական ընտրություններ: Մեր կուսակցությունը` “Բարգավաճ Հայաստանը”, իսկզբանե քարոզարշավը կառուցում էր մարդկանց իղձերի, սպասումների, խնդիրների լուծման շուրջ: Սակայն, ինչպես եւ նկատելի էր, իշխանությունը դա տեղափոխեց անձնական վիրավորանքների, ընտանիքի, սպառնալիքների եւ խուժանության դաշտ:

Ասեմ ավելին` երբ որ մենք նայում ենք ընտրությունների դինամիկան, ապա` մասնավորապես, “Բարգավաճ Հայաստանը” բավականին լուրջ աճ ունեցավ անմիաջապես ընտրությունների ընթացքում: Ըստ երեւույթին` դա վախեցրեց իշխանություններին: Էլ չեմ խոսում ձեռբակալությունների, շինծու քրեական գործերի մասին, որոնք հարուցվում էին իբր ընտրակաշառք բաժանելու համար: Եւ , իհարկե, այս ընտրությունների ձայների բաշխման գործընթացը, որը մարդու գլխի մեջ չի տեղավորվում, երբ որոշեցին տոկոսների հազարերորդականների հաշվին այնպես անել, որ “Բարգավաճ”-ը չանցնի ԱԺ: Դա, իհարկե, կլիներ շատ ծիծաղելի, եթե չլիներ այդքան տխուր: Խոսքը գնում է այն մասին, որ իշխանությունը իրեն հռչակելով ժողովրդկավարության բաստիոն, ինչ խուժանություն ասես չարեց:

Աշխարհաքաղաքական առումով` Հայաստանը, ըստ էության, գտնվում է Թուրքիայի եւ Ադրբեջանի ուղիղ  կառավարման ներքո: Տեսնելով զարգացման տրամաբանությունը` կարելի է վստահորեն ասել` թե’ Թուրքիան,  թե’ Ադրբեջանը, թե’ հավաքական Եվրոպան ու ԱՄՆ-ն ուրախությունից չգիտեն, իրենց որ պատին տան, քանզի ընտրվել է մի իշխանություն, որն ավելի վեր է դասում այլ պետությունների շահերը, քան` Հայաստանի Հանրապետությանը: Սա կարելի է միանգամայն վերագրել Հայաստան-Ռուսաստան-ԵԱՏՄ գործընթացներին, որոնք շարունակական փչացնելու են այս իշխանությունները: Որովհետեւ Ռուսաստանի հետ թշնամանալը` այն գինն է , որը իրենք վճարում են իրենց բազկաթոռներին մնալու համար: Այս իշխանությունները չեն հասկանում հետեւլը` մենք երկրագնդում մենակ չենք եւ գործընթացները այնպիսի զարգացումներ են ստանում, որ մեր պես պետությունները իրենց արված սխալների կամ ուրիշի գործիք դառնալու համաձայնության համար, իսկ այսօր Հայաստանը համաձայնվել է դառնալ գործիք հակառուսական ուժերի ձեռքում, ունենալու են շատ ցավալի հետեւանքներ:

Հարցին` ինչի մասին է վկայում ընտրողների այսպիսի բարձր մասնակցությունը, Արման Աբովյանն ասաց.

-Դա վկայում է, որ մարդիկ դժգոհ են: Բացի բարձր մասնակցությունից մենք տեսանք ուղղակի աննախադեպ գործընթաց. գրեթե բոլոր ընդդիմադիր ուժերը` “Բարգավաճ Հայաստանը” ավելի սուր, բեւեռված են նրա վրա, որ իրենց ձայները կամ գողացել են, կամ փորձել են փոշիացնել: Իշխանությունը “հին եւ բարի մեթոդներով” փորձել է քերել այն արդյունքը, որը ինքը համարում է բավարար:

Զարուհի Բաբուխանյան

Այս թեմայով Ամփոփվել են հոկտեմբերի 25-ի ՏԻՄ ընտրություններին կուսակցությունների և դաշինքների առաջադրումները Վիրավոր իմ Հայաստան, դու դեռ ուղղելու ես քո ողնաշարը Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Արման Ծառուկյանը նոկաուտի է ենթարկել Ռուֆիին Օպերային երգիչներին ու Կապելլային՝ չնչին գումարներ, տաշ-տմբլ երգողներին՝ բազմապատիկ ավել․ Սուքիասյան