Դավադրություն՝ Վեհափառի թիկունքում

«Իրավունք»-ի լավատեղյակ աղբյուրների համաձայն` հերթական դավադրությունն է մշակվում Ամենայն Հայոց կաթողիկոս ԳԱՐԵԳԻՆ ԵՐԿՐՈՐԴԻ դեմ եւ, ինչպես միշտ, Մայր Աթոռի ներսից:

Ճիշտ նույն շրջանակները, որոնք 2018-ին խանդավառված էին Նիկոլ Փաշինյանի իրականացրած իշխանափոխությամբ եւ դրդում էին Վեհափառ Հայրապետին ամեն կերպ հաճոյանալ նրան, հիմա արդեն թունդ հականիկոլական դարձած ու նախընտրական էյֆորիայով տարված՝ իրենց «փիառ-խորհուրդներով» կրկին անհարմար կացության մեջ են դնում կաթողիկոսին: Սա, իհարկե, փաթեթավորում են՝ իբրեւ այս իշխանությանը հեռացնելու հոգեւոր լումա, իսկ իրականում հարվածում թիկունքից:

Մեր աղբյուրների համաձայն, ինչ-ինչ փակ սենյակներում ոմանց ուղեղներում միտք է փայլատակել, որ եթե ընտրություններին իշխանափոխություն չլինի, իրական հեղափոխական ալիք կարող է փողոցում գեներացվել միայն Վեհափառ Հայրապետին ձերբակալության դեպքում: Ահա թե ինչու ամեն կողմից «արջի ծառայություններ» են մատուցում վեհին՝ հնարավորինս նրան ներքաշելով որոշակի նեղ շրջանակների քաղաքական եւ անձնական շահերի դաշտ: Մինչդեռ Նիկոլ Փաշինյանը իր քարոզարշավի ընթացում հնարավորինս փորձում է շրջանցել Գարեգին Երկրորդին:

Փաստացի, ստացվում է պարադոքսալ մի իրավիճակ. հոգեոր-ընդդիմադիր շրջանակներն ամեն կերպ փորձում են հեռացնել կաթողիկոսին, ընդհուպ կալանավորում, որպեսզի ապահովեն հետընտրական սուր էմոցիաներ: Իսկ Նիկոլ Փաշինյանին ճիշտ հակառակը՝ ամենեւին ձեռնտու սցենար չէ:

Սեփ. լրատվություն

Այս թեմայով Կրոնական իրավունքների խումբը զգուշացնում է՝ եկեղեցու ղեկավարությունը փոխելու պետության փորձը մտահոգիչ է Գարեգին Միսկարյանի քաղաքական «նժարը» Պոլսո Հայոց պատրիարքը աղոթել է Հայաստան-Թուրքիա հարաբերությունների վերականգնման համար Հերթական դատավորն է փորձում հրաժարվել Կաթողիկոսի «գործը» քննելուց Նիկո՛լ, սա էլ կանցնի, Մխիթար Գոշի դատաստանով ես դատվելու. քաղաքացի