Քանի՞ ֆուռ ելակ ուտի Իոաննիսյանը, որ ե՛ւ ջերմոցատերերի խնդիրները կարողանա լուծի, ե՛ւ լուծ չընկնի. ԶԱՐՄԱՆՔ

Արցախի ապագայի հարցում, թե ինչպիսին է ՀՀ երկրորդ նախագահ ՌՈԲԵՐՏ ՔՈՉԱՐՅԱՆԻ առաջնորդած «Հայաստան» դաշինքի տեսլականը, բավական ուշագրավ է: Դաշինքի պատգամավորի թեկնածու Քրիստինե Վարդանյանը Հանրային հեռուստատեսության եթերում բանավեճի ժամանակ հայտարարեց, որ իրենք իրենց նախընտրական ծրագրով նախատեսում են արցախցիների վերադարձ Արցախ: Մինչդեռ նրանից առաջ նույն դաշինիքի պատգամավորի թեկնածու Աննա Գրիգորյանը Ազատության հրապարակում կայացած հանրահավաքի ժամանակ ընդծել էր. «Արցախը վերադարձնել չենք կարող, բայց այն մարդիկ, ովքեր այս ավերածությունը բերել են, իսկապես պետք է պատասխան տան»: Փաստորեն, եթե զուգակցում ենք Գրիգորյանի ու Վարդանյանի ասածը, ստացվում է՝ Արցախը վերադարձնել չենք կարող, բայց արցախցիները պետք է վերադառնան Արցախ, այսինքն՝ պետք է հանձնվեն Ադրբեջանի՞ն, թե ինչ-որ բան տիկնայք խառնում են: Ի վերջո, ի՞նչ է գրված նախընտրական ծրագրում, փորձեցինք պարզել Կենտրոնական ընտրական հանձնաժողովի կայքից, պարզվեց «Հայաստան» դաշինքն ընդհանրապես չի ներկայացրել այն: Իսկ դաշինքի կայքում հրապարակված ծրագրում առաջին կետը հակասում է երկրորդին: Դաշինքը խոստանում է Արցախի ժողովրդի հավաքական հայրենադարձության իրավունքի միջազգայնացում եւ անվտանգության երաշխավորում, ապա ընդծում բռնի տեղահանված մեր հայրենակիցների քաղաքացիության հարցերի օպերատիվ լուծման անհրաժեշտությունը Հայաստանում, ինչպես նաեւ բնակարանային, զբաղվածության եւ սոցիալական ապահովման կայուն ծրագրերի իրագործումը: Այդպես էլ անհասկանալի է՝ ՀՀ-ում արցախցիների բնակարանային հարցե՞ր են լուծելու, թե արցախցիների տուն վերադարձն են ապահովելու:

Պակաս զարմանալի չէ ընտրություններին մասնակցող Հայաստանի Շնորհապետական կուսակցության վարքագիծը: Արդեն մի քանի օր է` տարբեր բանավեճերում հարց է բարձրացվում այս կուսակցության նախընտրական ցուցակի երկրորդ տեղում գտնվող քաղաքագետ ԷԴՎԱՐԴ ԱՆՏԻՆՅԱՆԻ արցախատյաց ելույթի հետ կապված: Եվ սույն նորաթուխ կուսակցությունը, փոխանակ դատապարտի իրենց թիմակցի մոտեցումները, համառորեն պնդում է, թե Անտինյանի խոսքը համատեքստից կտրված է։ Ամբողջական տեսանյութն էլ ներկայացրին, մեկ է, շնորհապետականներն իրենց էշն են քշում։ Սոցցանցերում հարց են բարձրացնում՝ դեռ մարդ կա՞, որ կասկածում է, թե իրենց շնորհապետական հռչակածները գաղափարապես նույն Նիկոլն են։

Իսկ «Իրազեկ քաղաքացիների միավորում» ՀԿ համակարգող ԴԱՆԻԵԼ ԻՈԱՆՆԻՍՅԱՆԻՆ երջանկացրել է ելակի արգելքը ռուսական շուկա: «Ելակ ենք ուտում մի բոլ, մերսի քեզ «Ռոսսելխոզնադզոր», - հրապարակած կարճ տեսանյութում ելակ ուտելով՝ նշել է նա: Անդրադառնալով վերոնշյալին՝ Շիրակի պետական համալսարանի պատմության եւ փիլիսոփայության ամբիոնի դասախոս, քաղաքագետ Գագիկ Համբարյանը գրում է. «Դե լավ է, կեր ու կեր... Բայց հարց տուր ելակ աճեցնող ջերմոցատերերին, թե միայն քո ուտելու օգուտն իրենց համար ո՞րն է, ու արդյո՞ք նրանք դրանից գոհ են...Հետաքրքիր է, իսկ սորոսականների սիրելի եւ դոնոր երկրները ինչո՞ւ այդ ելակը չգնեցին` հայ ելակագործներին օգնելու համար...»: Եվ, իրոք, այլապես քանի՞ ֆուռ ելակ ուտի Իոաննիսյանը, որ ե՛ւ ջերմոցատերերի խնդիրները կարողանա լուծի, ե՛ւ լուծ չընկնի:

ԶԱՐՄԱՑԱԾ Է «ԻՐԱՎՈՒՆՔ»-Ը

Այս թեմայով Ադրբեջանցին սպանելու դիտավորություն չի ունեցել, երեխեքի ձեռքից հեռախոսը վերցրել է, ժամերով չի վնասել. ՔԿ նախագահ ՔԿ նախագահը՝ բանակի ողբերգությունների մասին․ «Սեկտայի հարող զինվոր կա, դաջվածքներով են գալիս» Լեզվակռիվ՝ ՊԵԿ նախագահի հետ․ «Ձեր ազգականները ո՞նց պաշտոնի նշանակվեցին», «Էական չի», «Էական է» Շախմատը միշտ եղել է իմ հետաքրքրությունների շրջանակում. Երեւանի շախմատի ֆեդերացիայի նախագահի առաջին հարցազրույցը Այդ ե՞րբ է պետականություն գաղափարը մտահոգել փողոցով եւ փողոցից եկածներին...