Նոր Նորքի թաղապետարանում բացարձակ բարձիթողի վիճակ է

Նոր Նորք վարչական շրջանում համատարած արձակուրդ է: Երեւանի քաղաքապետարան, դուք տեղյա՞կ եք, որ Նոր Նորքի թաղապետարանում տիրում է բացարձակ բարձիթողի վիճակ:

«Իրավունք»-ին ահազանգում են բնակիչները՝ առավոտից փորձում են կապ հաստատել Նոր Նորքի թաղապետարան, սակայն պատասխան չեն ստանում: Նախ հեռախոսազանգերին չեն պատասխանում, հետո երբ վերջապես բախտները բերում է, եւ պատասխանում են, ասում են, որ թաղապետ ՄԱՐԱՏ ՍԵՎՈՅԱՆԸ արձակուրդի մեջ է: Պարզ է՝ քարոզարշավ է, պետք է հնարավորինս ակտիվ մասնակցություն ցուցաբերի: Բայց արդար լինելու համար, ասենք, որ դա էլ է ձախողել: Այդ մարդը՝ Սեւոյանը, բացարձակ անտեղյակ է թաղում տիրող իրականությունից: Երբեւէ որեւիցե գործունեությամբ աչքի չի ընկել նորնորքցիների մոտ: Պասիվ, «դինջ» վիճակում, իր փողն է ստանում, մինչեւ տեսնի` ինչ կլինի:

Շարունակենք բաժին առ բաժին: «Իրավունք»-ի հարցին, որ եթե թաղապետը գնացել է հանգստի, ապա ո՞վ է այս պահին փոխարինում, շատ նուրբ ձայնով, լավին՝ «լЬավ», այսինքն` ռուսերեն տառ ավելացնելով մի կին, պատասխանում է, որ փոխարինողը եւս տեղում չէ. իբր վերջինս շրջայցի է: Փորձում ենք չնահանջել եւ զանգել կոմունալ բաժին: Կրկին չկա պատասխան: Ի դեպ, այդ ողջ զանգերը կատարվել են ոչ ընդմիջման ժամերին: Սա էլ ֆիքսենք, որ հետո չասեն` մարդիկ գնացել էին հաց ուտելու:

Ի՞նչ է ստացվում, որ բնակիչը բացարձակապես չի կարող կապ հաստատել թաղապետարանի, նրա վերադասի կամ աշխատակազմի հետ, քանի որ այդ հեռախոսները կրում են միայն գույքի տեսք: Խոսելով բարեփոխումների մասին` հստակ գոնե այս նախընտրական շրջանում մի քիչ խիղճ դրսեւորեք: Հասկանալի է, որ դժվար է խաղալ, բայց դուք փորձեք, գուցե միամիտներ գտնվեն ու հավատան...

ՆԱՆԱ ՍԱՐԳՍՅԱՆ

Այս թեմայով Չես հավատում` գնա հաշվիր. Ալլա Հակոբյան Հայ գյուղացի, չե՞ս խորհում, ո՞վ քեզ այս օրը գցեց. Ալլա Հակոբյան Ի՞նչ է սպասվում ՀՀ քաղաքացիներին ԿԸՀ դիմաց այսօր. Ալլա Հակոբյան Լավ էլ խոստովանում եք, «Նիկոլի օգնությամբ» ե՛ւ դուք, ե՛ւ թուրքերը շատ բանի հասաք... Հունիսի 7-ին կատարիր ճիշտ ընտրություն, որ «Հայաստան» բառը չվերանա քարտեզից