Հեռախոսազրույցի փաստից չպետք է հեռուն գնացող, և առավել ևս դրական եզրակացություններ անել

Հունիսի 1-ին Ռուսաստանի նախագահ Վլադիմիր Պուտինը շնորհավորական հեռագիր է հղել և հեռախոսազրույց է ունեցել Հայաստանի վարչապետ Նիկոլ Փաշինյանի հետ։

Կրեմլի մամուլի ծառայության հաղորդմամբ, զրույցի ընթացքում Ռուսաստանի ղեկավարը շնորհավորել է իր հայ գործընկերոջը ծննդյան օրվա կապակցությամբ։

Վլադիմիր Պուտինը շնորհավորել է նրան, քանի որ մեծ երկրի ղեկավարը  միջպետական ​​​​արարողակարգի անսասան հետևորդ է։ Նա նմանապես հեռախոսով շնորհավորել է Վիկտոր Յուշչենկոյին և Պետրո Պորոշենկոյին նրանց նախագահությունների ընթացքում, և բարեմաղթանքներ հղելուց հետո նրանց հետ դժվար բանակցություններ է վարել երկկողմ հարաբերություններում առկա խնդիրների շուրջ։ Ի դեպ, այս տարի Ռուսաստանի ղեկավարը նաև շնորհավորել է Իսրայելի և Մոլդովայի ղեկավարներին Հաղթանակի օրվա կապակցությամբ՝ այն երկրների, որոնց հետ երկկողմ հարաբերությունները ներկայումս, մեղմ ասած, չեն կարող բնութագրվել որպես ջերմ։

Պաշտոնական խոսքից հետո, Հայաստանի ներկայիս վարչապետը, մեծ ափսոսանքով, լսել է Ռուսաստանի և Եվրասիական տնտեսական միության (ԵԱՏՄ) երկրների կոշտ դիրքորոշումը՝ Ռուսաստանի հետ հարաբերությունները խզելու` Երևանի  որդեգրած կուրսի անընդունելիության և միաժամանակ ԵԱՏՄ-ի և Եվրամիության անդամ լինելու անհնարինության վերաբերյալ։

Հավաստի աղբյուրների համաձայն՝ Փաշինյանը դժվարանում էր պատասխան գտնել, սակայն զրույցի բովանդակությամբ կիսվել է իր մտերիմ շրջապատի հետ։

Վլադիմիր Պուտինի բարի խոսքերը հարգանքի նշան են երկրի նկատմամբ, որի առաջնորդն այժմ Փաշինյանն է։ Սակայն Ռուսաստանի դիրքորոշումը մեկ գիշերվա ընթացքում չի փոխվում. դա պետական ​​ռազմավարություն է, որը ձևավորվում է հարյուրավոր օբյեկտիվ գործոնների, կանխատեսումների և փորձագիտական ​​կարծիքների հիման վրա։

Դրա ապացույցն է Ռոսսելխոզնադզորի կողմից նույն օրը, բառացիորեն մի քանի ժամ (!) անց, Հայաստանից Ռուսաստան կորիզավոր մրգերի և խաղողի ներմուծման վրա դրված արգելքը։

Այս թեմայով Վիրավոր իմ Հայաստան, դու դեռ ուղղելու ես քո ողնաշարը Մաղթում ենք խաղաղ կյանք և բարգավաճում․ ՀՀ-ում ՌԴ դեսպանությունը շնորհավորել է Հայաստանի ժողովրդին Պատմությունը հզոր ուսուցիչ է, բայց դասեր քաղել դրանից մենք այդպես էլ չսովորեցինք Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը ՇՏԱՊ. 36-ամյա գործարարին մահացած են գտել. Հրապարակ