ՄԻԵԴ է ներկայացվել արցախցիների շուրջ 600 դիմում՝ գույքային հարցերով. Բեգլարյան

Բռնի տեղահանված արցախցիները ՄԻԵԴ են ներկայացրել ավելի քան 600 դիմում՝ կապված գույքի կորստի և դրա վերադարձի իրավունքի հետ, Ֆեյսբուքի իր էջում հայտնել է Արցախի ՄԻՊ Արտակ Բեգլարյանը։ Նրա խոսքով՝ դիմումները վերաբերում են, առաջին հերթին, արցախցիների գույքային պահանջներին՝ կապված Ադրբեջանի կողմից սեփականության (բնակարաններ, տներ, հողամասեր և այլն) բռնագրավման և զավթման հետ, ինչն առնչվում է նաև վերադարձի իրավունքին և այլ իրավունքների։

Բեգլարյանը նշել է, որ ՄԻԵԴ դիմել ցանկացողները կարող են լրացնել կարճ ձևաթուղթ, որից հետո նրանց հետ կապ կհաստատեն հիմնական դիմումը ձևակերպելու համար։ Ծառայությունը տրամադրվում է անվճար։ Արցախ Միությունը, «Արա Ղազարյան» իրավաբանական գրասենյակը, Բեգլարյանը և «Միջազգային ու համեմատական իրավունքի կենտրոնը» շարունակում են ընդունել դիմումներ՝ ՄԻԵԴ ներկայացնելու համար։ Մայիսին ԶԼՄ-ները գրել էին, որ ՀՀ իշխանությունները՝ Արցախի նախկին զինվորականների դեմ հարուցված գործերի կամ արցախցի զինվորականներից բնակարանների առգրավման գործընթացի շրջանակներում, պահանջել էին վերադարձնել Պաշտպանության նախարարության ծառայողական բնակարանը։

Այս թեմայով «Հրապարակ»․ Որոշ արցախցիներ էլ են տխրել Գրիգորյանի պաշտոնաթողությունից ԱՀԱԶԱՆԳ. Արցախցիները զրկված են վարորդական իրավունքի վերականգնման հնարավորությունից Հազարավոր արցախցիներ կարող են հայտնվել փողոցում. Ահազանգում է օկուպացված Արցախի պետնախարարը Ինքս էլ արդեն վրանի փնտրտուքներով եմ զբաղված. Արցախցի քաղաքագետը արցախցիների օրհասական իրավիճակի մասին եւ ոչ միայն 2022 թվականին մի խումբ «չկռվող» արցախցիներ հայտնի առողջարանային քաղաքում.Արշավիր Ղարամյանը արձագանքում է Ալեն Սիմոնյանին