Սա խայտառակ տոքսիկ քարոզարշավ է. Իզաբելլա Աբգարյան

«Իրավունք»-ը գրել էր, որ Երեւանի ավագանու «Ազգային առաջընթաց» խմբակցություն անդամ ԻԶԱԲԵԼԼԱ ԱԲԳԱՐՅԱՆԸ, որը Երեւանի նախկին քաղաքապետ ՀայկՄարությանի թիմից էր, չի մանակցելու 2026 թվականի խորհրդրանական ընտրութուններին:
Սակայն հետաքրքրվելով, թե ինչ կարծիք ունի քարոզարշավի վերաբերյալ, Երեւանի ավագանու անդամը հայտնեց իր խորը մտահոգությունը:

— Տիկին Աբգարյան, ինչպե՞ս կգնահատեք ընթացող նախընտրական քարոզարշավը:

— Սա խայտառակ տոքսիկ քարոզարշավ է: Մենք տեսնում ենք , որ կարմիր գծեր այլեւս չկան: Շատ ծանր մեղադրանքներ եւ վիրավորանքներ են հնչում մեկը մյուսի հասցեին: Ես սա ավելի շատ կորակեի տոքսիկ մասկուլինական՝ տղայական «բազար», քան քաղաքակիրթ երկրներին հարիր քարոզարշավ: Սա ցավով եմ ասում, քանի որ տհաճ է հետեւել այս քարոզարշավին:

Ամբողջ քարոզարշավը զուգորդվում է ձերբակալություններով: Մենք անդադար տեսնում ենք իրավական մարմինների ակտիվ մանակցությունն այդ պրոցեսում: Եվ այո, կա վախի մթնոլորտ թե՛ ընտրողների, թե՛ հանրահավաքների գնացողների շրջանում: Բնավ լավ մթնոլորտ չի տիրում Հայատանում, եւ կարծում եմ՝ մեծ հաշվով այսօրվա դրությամբ 50+ տոկոսի որեւէ մեկը չի կարող հավակնել:

— Մնացել են հաշված օրեր, որքանո՞վ ընդդիմադիր ուժերին հաջողվեց չկողմնորոշված ընտրազանգվածին համոզել, որ ընտրեն իրենց:

— Տեսեք, չկողմնորոշված հանրության համար ի սկզբանե բացառված է եղել այս իշխանության վերընտրման տարբերակը: Մարդիկ նույն ձեւի կառավարում չեն ցանկանում հանդուրժել: Սակայն, միեւնույն ժամանակ, ընդդիմության մեջ դեռ չեն տեսնում այն ֆավորիտ ուժին, որ կկարողանան վստահել եւ քվե տալ:

Նույն իմ շրջապատում շատ են մարդիկ, ովքեր չգիտեն՝ ում ընտրեն: Սա լուրջ խնդիր է, եւ չեմ կարծում, որ հաջողվել է այդ  մարդկանց մեծ տոկոսին ուղղություն ցույց տալ: Դա կախված է նաեւ քարոզարշավի բնույթից: Մարդկանց  թիրախային խմբերի հետ աշխատանքը բավականին թույլ է եղել:

— Այսինքն, հաշվի առնելով չկողմնորոշված մարդկանց քանակը՝  կարո՞ղ ենք փաստել, որ այս անգամ էլ ընդդիմությունը կարող է ձախողվել:

— Կարող ենք փատել, որ այս պահի դրությամբ որեւէ ընդդիմադիր ուժ չի կարողացել չկողմնորոշվածների տեսակետը փոխել:Կարծում եմ, չկողմնորոշվածներին պետք է պարզապես կողմնորոշել, որ այդ մարդիկ, չունենալով վարչապետի ֆավորիտ, կարող են ձեւավորել Ազգային ժողովի բովանդակությունը: Այսինքն՝ պետք է ասել՝ գնացեք ընտրեք ուժի, որը գտնում եք, որ կարող է հանձնաժողովներում աշխատել, օրինագծեր գրել, կարող է քաղաքացուն ներկայացնել: Պետք չէ առաջին համարներով առաջնորդվել: Դա է խնդիրը, որ մարդիկ չեն կարողանում կողմնորոշվել: Առաջին համարներն են շատ դեպքում մարդկանց խանգարում ընտրություն կատարելու հարցում:

ՆԱՆԱ ՍԱՐԳՍՅԱՆ

Այս թեմայով Երբ կորուստն ու ցավը խլում են անգամ բառերը. «Զուլալին» հուզեց հանդիսատեսին Շտապ. Երեւանում մլակները գզում են մարդկանց. Իզաբելլա Աբգարյան Չվճարողները, միեւնույնն է, չեն վճարելու, պարզապես կոնֆլիկտ է առաջանալու եւ ավելի մեծ աղմուկ. Աբգարյան Անձի շուրջ համախմբվելու մոլուցքն է գերիշխում, այլ` ոչ նպատակի եւ գաղափարի. Իզաբելլա Աբգարյան Որոշում եմ կայացրել ընտրություններին չմասնակցել. Իզաբելլա Աբգարյան