ԱՄՆ-ն ու Իրանը հերթական գիշերային բախումն ունեցան

ԱՄՆ-ն ու Իրանը հերթական գիշերային բախումն ունեցան:

Այս անգամ էլ ամեն ինչ սկսվեց ամերիկացիներից. նրանք խոցեցին դեպի իրանական նավահանգիստ շարժվող դատարկ տանկերը եւ թիրախներ իրանական Քեշմ կղզում:

Մեկ ժամ անց իրանական հրթիռներն արդեն Քուվեյթի երկնքում էին` ամերիկյան ռազմաբազայի ուղղությամբ: Հաջորդեց երկրորդ եւ երրորդ ալիքները:

Հաջորդ թիրախը Բահրեյնն էր` ամերիկյան Ալ-Ջաֆրի բազան, որտեղ ԱՄՆ Հինգերորդ նավատորմի շտաբ-բնակարանն է։ Մեկ-երկու հրթիռ էլ թռան Դուբայի ուղղությամբ: Հարվածներ հասցվեցին նաեւ ԱՄՆ-ի առափնյա ջրերում գտնվող նավերին:

Ամերիկացիները փորձեցին նոր հարված հասցնել Քեշմ կղզում, սակայն իրանական հրթիռների թռիչքները վտանգի ենթարկեցին ամերիկացիների ինքնաթիռները:

Ու հետո ամեն բան միանգամից կանգ առավ, եւ երեւի օրվա ընթացքում կողմերը կշարունակեն պաշտոնական հայտարարությունները, թե խաղաղությանը շատ մոտ են:

Մեկնաբանելով տեղի ունեցածը, ԻՀՊԿ-ն պաշտոնապես հայտարարութում է.

«Այսօր ուշ գիշեր ամերիկյան ուժերը, ագրեսիա իրականացնելով Իրանի դեմ, Հորմուզի նեղուցի մոտ գտնվող իրանական նավթատարի վրա արձակեցին Hellfire հրթիռ՝ վնասելով նավի շարժիչի սենյակը։
Այս ագրեսիային և Հորմուզի նեղուցում սահմանված նավարկության կանոնների խախտմանը ի պատասխան, ԻՀՊԿ-ն հրթիռային հարված հասցրեց սիոնա-ամերիկյան հակառակորդ Panaya նավին։
Նոր ագրեսիայի ակտով ամերիկացիները նաև հարձակվեցին Քեշմ կղզում գտնվող ԻՀՊԿ կապի կայանի վրա։

Այս գործողություններին ի պատասխան, ԻՀՊԿ-ի ավիատիեզերական ուժերը հրթիռային և անօդաչու թռչող սարքերով հարված հասցրին տարածաշրջանային երկրում (Քուվեյթ) գտնվող ԱՄՆ ավիաբազային և ուղղաթիռային բազային, ինչպես նաև Բահրեյնում գտնվող ԱՄՆ Հինգերորդ նավատորմի շտաբ-բնակարանին։

Մենք նախկինում զգուշացրել էինք, որ ագրեսիայի դեպքում մեր պատասխանը կլինի տարբեր և ավելի խիստ, և հիմա մենք գործել ենք հենց այսպես։ Այս հարվածները պետք է դաս լինեն։

Մենք կրկին հայտարարում ենք. Հորմուզի նեղուցի անվտանգությունը խաթարելու ցանկացած փորձ չափազանց թանկ կարժենա ԱՄՆ օկուպացիոն ուժերին»։

Տե´ս նաեւ https://t.me/iravunk/67818 

Այս թեմայով Համաշխարհային տնտեսությունն ավելի է զգուշանում ԱՄՆ-ից Երբ կարող է տեղի ունենալ ԱՄՆ-ի հաջորդ խոշոր հարձակումը Իրանի վրա Իրանը խոշոր ուժեր է տեղակայել բոլոր սահմաններում՝ հնարավոր ցամաքային հարձակումը հետ մղելու համար Զապորոժեում հիմնահատակ այրվել է հերթական առեւտրի խոշոր կենտրոնը (Տեսանյութ) Փաշինյանը նպատակ ունի կտրել թաղման նպաստները