«ԿԱՊ ՉՈՒՆԻ ՄՐՑԱԿԻՑՍ ԹՈՒՐՔ Է, ԹԵ ԱՅԼԱԶԳԻ ՆԵՐԿԱՅԱՑՈՒՑԻՉ». ՀՈՒՆԱՀՌՈՄԵԱԿԱՆ ՈՃԻ ԸՄԲՇԱՄԱՐՏԻ Մ17 ՏԱՐԵԿԱՆՆԵՐԻ ԵՎՐՈՊԱՅԻ ՉԵՄՊԻՈՆ ՎԱՀԵ ՀՈՎԵՅԱՆ

Վերջերս Բուլղարիայի Սամոկով քաղաքում կայացած Հունահռոմեական ոճի ըմբշամարտի Մ17 տարեկանների Եվրոպայի առաջնությանը հաջող է հանդես եկել Հայաստանի հավաքականը նվաճելով 7 մեդալ, որից 2 ոսկե, 2 արծաթե և 3 բրոնզե։Թիմային պայքարում մեր երկրի հավաքականը գրավել է երկրորդ հորիզոնականը։

Iravunk. com -ի մարզական թղթակիցը Գյումրիում հանդիպել ու բացառիկ զրույց է ունեցել ոսկե մեդալակիր ՎԱՀԵ ՀՈՎԵՅԱՆԻ հետ։

- Շնորհավորում ենք, Վահե, փայլուն հաղթանակի կապակցությամբ։

- Շնորհակալ եմ։ Հանդես եկա 80 կգ քաշային կարգում։ Մեկնարկային գոտեմարտում 6։2 հաշվով հաղթեցի թուրք մրցակցիս, հետո 5։1 հաշվով Լեհաստանի ներկայացուցչին։ Կիսաեզրափակչում 6։1 հաշվով պարտության մատնեցի լիտվացի ըմբիշին։ Իսկ ահա եզրափակչում, ոսկե մեդալի ճանապարհին, բացարձակ առավելությամբ 8։0 հաշվով, 32 վայրկյանում վաղաժամ հաղթեցի հունգարացի Դոմինիկ Շիլագյիին ու դարձա Եվրոպայի չեմպիոն։ Ամենադժվարը անցավ լիտվացու հետ թեժ պայքարը։ Իսկ թուրք մարզիկի մասին կարող եմ ասել, որ ինձ համար կապ չունի մրցակիցս թուրք է, թե այլազգի ներկայացուցիչ, քանի որ սա սպորտ է, ու բոլորն էլ հավասար են, չի կարելի սպորտը խառնել քաղաքականության հետ։ Շատ աննկարագրելի զգացողություններ առաջացան։ Հաղթանակս նվիրում եմ իմ հայ ազգին, զինվորներին։ Նշեմ, որ եղբայրս Յուրիկ Հովեյանը ևս հունահռոմեական ոճի ըմբիշ է, Մ20 ԵԱ չեմպիոն, Մ20 ԱԱ, բրոնզե մեդալակիր։Հենց նրանից էլ ես եմ ոգեշնչվել։

Պատրաստեց ՀՈՎՀԱՆՆԵՍ ՍԱՐԳՍՅԱՆԸ

Այս թեմայով 12.92 միլիարդ դրամ՝ սպորտին․ 2027-ին ինչպե՞ս է ծախսվելու պետական փողը Հայաստանի հավաքականը ծանր կորուստ ունի Ազգերի լիգայի վճռորոշ խաղերից առաջ Ըմբշամարտի ԱԱ. Նարեկ Հարությունյանն ու Հրայր Ալիխանյանը պարտվեցին մեկնարկում ԱԱ. Արսեն Հարությունյանը մեկնարկեց վստահ հաղթանակով՝ 10:0 Հայ բռնցքամարտիկները Թուրքիայից կվերադառնան երկու մեդալով