Սպերցյանը հրաժարվել է տեղափոխել անգլիական ակումբ

​Հայաստանի ազգային հավաքականի և «Կրասնոդարի» ավագ ու կիսապաշտպան Էդուարդ Սպերցյանը մերժել է Անգլիայի Չեմպիոնշիփը ներկայացնող ակումբներից մեկի տրանսֆերային առաջարկը, որը պատրաստ է եղել գործարքի համար վճարել 20 միլիոն եվրո։ Այս մասին հայտնում է Metaratings-ը։

Աղբյուրի տեղեկություններով՝ կիսապաշտպանը չի ցանկանում տեղափոխվել անգլիական երկրորդ ուժեղագույն դիվիզիոն, չնայած այն հանգամանքին, որ ակումբը նախատեսում էր նրա տրանսֆերն իրագործել Անգլիայի Պրեմիեր լիգա (ԱՊԼ) դուրս գալու նպատակային ծրագրի շրջանակներում։

​Հիշեցնենք, որ նախորդ տարի Սպերցյանին ձեռք բերելու փորձեր էր ձեռնարկում նաև անգլիական «Սաութհեմփթոնը», որն այդ ժամանակ նույնպես հանդես էր գալիս Չեմպիոնշիփում։

​Ավարտված մրցաշրջանում 25-ամյա կիսապաշտպանը բոլոր մրցաշարերում մասնակցել է ընդհանուր առմամբ 42 հանդիպման՝ դառնալով 14 գոլի և 18 արդյունավետ փոխանցման հեղինակ։ Transfermarkt-ը Սպերցյանի տրանսֆերային արժեքը ներկայումս գնահատում է 25 միլիոն եվրո։

Այս թեմայով Էդուարդ Շարմազանովի քավորությամբ տեղի է ունեցել Գագիկ Մելիքյանի որդու հարսանիքը Ալեքսանդրապոլի պայմանագրի կետերը, որը ՀՀ փաստացի վիլայեթացման ամրագրումն էր. Էդուարդ Շարմազանով Հայկական յուրահատուկ ներկայություն. «Ալ-Ահլիի» գրառումը Սպերցյանի մասին Հայտնի է, թե ինչու է մեկնարկային կազմից դուրս մնացել Սպերցյանը Աբովյան համայնքի գլխավոր ճարտարապետ Վիրաբյանին ո՞նց ստացվեց, որ «ռաստամոշկա» արեցին դեպի հիվանդանոց