Գործարկվում են Բաթումիի և Սևանի սեզոնային ուղղությունները

«Հարավկովկասյան երկաթուղին» հունիսի 14-ից անցնում է Երևան-Թբիլիսի-Բաթումի-Երևան երթուղով միջազգային ուղևորափոխադրումների իրականացմանը։

Փոխադրումն իրագործվում է «Արմենիա» ֆիրմային գնացքով, որի ժամանակակից ու հարմարավոտ վագոնները հարմարեցված են հեռավոր ուղերթների համար։

Գնացքը երթևեկելու է օրընդմեջ՝ մինչև հոկտեմբերի 1-ը։ Տոմսեր կարելի է ձեռք բերել Հայաստանի և Վրաստանի հիմնակայանների տոմսարկղերից, ինչպես նաև առցանց։ Ընկերությունը ներդրել է տոմսերի առցանց գնման ավելի արդիական և արդյունավետ նոր համակարգ։ Ծրագիրն առայժմ գործում է թեստային ռեժիմով, բայց դրա օգնությամբ արդեն կարելի է գնել «Արմենիա» գնացքի տոմս։

Բացի այդ, հունիսի 12-ից մեկնարկում է նաև Երևան-Սևան-Շորժա-Երևան երթուղին։ Էլեկտրագնացքը կգործի ուրբաթ, շաբաթ և կիրակի օրերին։ Երևան մեկնակայանից գնացքի մեկնումը ժամը 8։30-ին է, Շորժա կայարանից երեկոյան վերադարձը՝ ժամը 17։00։

Հայտնում ենք նաև, որ Գյումրի-Երևան №101 արագընթաց գնացքով ճամփորդող ուղևորների հարմարության նպատակով հունիսի 12-ից էլեկտրագնացքը Գյումրի կայարանից կմեկնի 19։40-ին նախկին 17։55-ի փոխարեն։ Դա թույլ կտա Գյումրու հյուրերին ավելի երկար ժամանակ անցկացնել քաղաքում Երևան վերադարձից առաջ։

Այս թեմայով Բա ինչի՞ ենք այլայլվում, երբ Սևանին ասում են Գյոյչա, եթե մենք «Ախպերս ու ես» երգը ունենք Սևան֊Դիլիջան թունելը խցանման մեջ է Երևան-Սևան մայրուղին կփակենք, եթե մեզ պատասխան չտվեցին, հիմա գնում ենք Աբովյանի քննչական ՍԱՐՍԱՓ.Երևան-Սևան ավտոճանապարհին կայծակի հարվածից կամուրջ է փլուզվել Ենթարկել է դաժան ծեծի, որից հետո հրել է մեքենայից…Սարսափազդու մանրամասներ