Էլ չեն ասում «ապագա կա» կամ` «ասեք կանենք», հիմա ուտում են. Գեւորգ Ստեփանյան

Ընտրություններին մնացել է հինգ օր, իսկ քարոզարշավի ավարտին՝ չորս: Թե որքանով է մասնակից ուժերին հաջողվել շահել հայաստանցու վստահությունը, «Իրավունք»-ը պարզեց «Բարգավաճ Հայաստան» կուսակցության ցուցակով պատգամավորի թեկնածու, Երեւանի ավագանու անդամ ԳԵՎՈՐԳ ՍՏԵՓԱՆՅԱՆԻ տեսակետը:

— Նախ ինչպե՞ս կգնահատեք քարոզարշավի ընթացքը:

— Կարծում եմ՝ գնահատականն ավելի լավ կտա քաղաքացին: Վառ օրինակները տարբեր տեսանյութերում երեւում է, թե քաղաքացիներն ինչպես են ընդունում «Բարգավաճ Հայաստան» կուսակցությանը: Նրանք ստանում են իրենց հուզող բոլոր հարցերի պատասխանները, քանի որ մենք քննարկում ենք նրանց հուզող հարցերը մեր նախընտրական քարոզարշավի շրջանակներում, եւ բոլորը գոհ են:

— Արդյո՞ք հավասար պայքար է ընթանում:

— Բացարձակ, որովհետեւ վարչական ռեսուրս է օգտագործում ՔՊ-ն: Մենք բազմիցս տեսել ենք, թե ինչպես են մանկապարտեզների, դպրոցների այլ կառույցների աշխատողներ, գործները թողած, շապիկը հագած մասնակցում ժամանակավոր իշխանության քարզարշավին:

— Երբեւէ նման քարոզարշավ չի եղել, երբ նման վիրավորանքներ հնչեն, ձերբակալություններ կատարվեն: Սա ինչպե՞ս կբացատրեք:

— Սա վախի դրսեւորում է: ՔՊ-ի մոտ սրացումներ են սկսել: Ութ տարի խաբելուց հետո, հիմա չեն կարողանում համոզել ՀՀ քաղաքացուն: Էլ չեն ասում «ապագա կա» կամ՝ «ասեք կանենք»: Այնպես որ, դա զուտ վախի դսրսեւորում է: Հիմա էլ խաբելու բան չի մնացել, հիմա սկսել են մարդկանց զբաղեցնել` տարբեր ճաշատեսակներ ուտելով: Ի՞նչ ասեն, եթե ասելու բան չունեն: Մարդիկ հարց են տալիս, թե մեր կյանքը ինչպե՞ս է բարելավվել, չեն կարողանում պատասխանել՝ բացի ասելով, իբր խաղաղություն է:
Ինչպե՞ս է խաղաղություն, երբ Ալիեւը հիմա էլ ասում է, որ պետք է Զանգեզուրի միջանցքը բացվի: Բա այդ «կիրթ ու կառուցողականն» ինչպե՞ս է բացելու միջանցքը:
Հունիսի 7-ին կոչ կանեմ մեր քաղաքացիներին մասնակցել ընտրություններին եւ կտեսնեք, որ այս իշխանությունն իր տեղը զիջելու է նորմալ մարդկանց, որոնք մտածում են Հայաստանի Հանրապետության եւ քաղաքացու մասին:

ՆԱՆԱ ՍԱՐԳՍՅԱՆ

Այս թեմայով «30 տարի այդտեղ ապրել են, հիմա որոշել են քանդել». 11-հոգանոց ընտանիքը մնացել է դրսում. Ստեփանյան Մեր քաղաքացիներն արդեն էլ ոչ մի բանի չեն հավատում. սա շատ վատ տեղ է տանելու Հայաստանին. Ստեփանյան Սկսեցին խոսել «արա»-ով, «բոմժեր կբոմժացնենք»-ով, «բոքսի տանձիկ կսարքենք»-ով․ Ստեփանյան ՇՏԱՊ. Գեւորգ Սուջյանը դատարան է դիմել «Հրապարակ». Գեւորգ Փարսյանը ընտրություններից հետո մեկուսացել է, գրեթե չի շփվում ոչ մեկի հետ