Մոսկվան չի հավատում Արա Արշավիրիչի արցունքներին

Ռուսաստանի հայ համայնքում շրջանառվում են խոսակցություններ, որ ԱՐԱ ԱԲՐԱՀԱՄՅԱՆԸ կանչվել է ՌԴ նախագահական ապարատ, որտեղից նրան հորդորել են թողնել Ռուսաստանի հայերի միության նախագահի պաշտոնը: Սակայն, վերջինս կտրականապես մերժել է, ինչին ի պատասխան զգուշացվել է նրան, որ կստեղծվի այլ անունով եւս մի նմանատիպ միություն, իսկ Արա Արշավիրիչը կմնա մենակ՝ իր նեղ շրջապատով, որովհետեւ տեղի հայ հասարակության շրջանում ունի այլեւս զրոյական հեղինակություն եւ, օրինակ, առաջիկա ԱԺ ընտրությունների հետ կապված, անգամ նրա հղած որեւէ կոչ որեւէ մեկին պետք չէ:  

Ի դեպ, նույն աղբյուրների համաձայն, Ռուսաստանում հայերի նոր միության նախագահն ամենեւին էլ ՀՀ երկրորդ նախագահ Ռոբերտ Քոչարյանի աշխատակազմի նախկին ղեկավար Վիկտոր Սողոմոնյանը չի լինելու, ինչի մասին մամուլը տեւական ժամանակ գրում էր, այլ բժշկական գիտությունների դոկտոր, Ռուսաստանի գիտությունների ակադեմիայի ակադեմիկոս եւ Հայաստանի գիտությունների ազգային ակադեմիայի արտասահմանյան անդամ Արմաիս Կամալովը, որն այժմ ղեկավարում է Լոմոնոսովի անվան Մոսկվայի պետական համալսարանի բժշկական գիտակրթական ինստիտուտի համալսարանական կլինիկան։

ՀՐԱՆՏ ՍԱՐԱՖՅԱՆ

Այս թեմայով Ռուսաստանի դեմ ռազմական գործողությունների դեպքում Վարշավան կանհետանա 2-3 օրվա ընթացքում. Պատրուշև Առաջիկա շաբաթները վճռորոշ կլինեն Ռուսաստանի հետ դիմակայության հարցում. Մերց ԵՄ-ն չկարողացավ երկարաձգել Ռուսաստանի դեմ պատժամիջոցները դրանց ժամկետի լրանալուց մեկ օր առաջ Ռուսաստանը շատ ավելի ազդեցիկ է, քան Ադրբեջանն ու Թուրքիան, հետևաբար Ռուսաստանի հետ ևս պետք է զգույշ լինել Եթե Ռուսաստանի և Եվրոպայի միջև պատերազմ սկսվի, ապա այն կլինի միջուկային. Լավրով