Թրամփը Նեթանյահույի հետ հեռախոսազրույցում անցել է գոռգոռոցների` նրան անվանելով «խելագար». Axios

Դոնալդ Թրամփը Իսրայելի վարչապետի հետ հեռախոսազրույցում անցել է գոռգոռոցների, նրան խստիվ դատապարտել եւ անվանել «խելագար»` Լիբանանում իրավիճակի սրման պատճառով։ Այս մասին հայտնում է Axios-ը:

Աղբյուրին այս մասին պատմել են երկու ամերիկացի պաշտոնյաներ և զրույցին ծանոթ մեկ այլ աղբյուր։

Ավելի վաղ Իրանը հայտարարեց ԱՄՆ-ի հետ բանակցությունները դադարեցնելու մասին` Լիբանանում Իսրայելի գործողությունների պատճառով:

Երկու աղբյուրների փոխանցմամբ՝ հեռախոսազրույցի ընթացքում Թրամփը Նեթանյահուին մեղադրել անշնորհակալության մեջ: Նա նաև արգելակել է Բեյրութին հարվածելու ծրագիրը։

ԱՄՆ մի պաշտոնյա ասել է, որ Թրամփը Նեթանյահուին ասել է, որ Լիբանանի մայրաքաղաքը ռմբակոծելու իր սպառնալիքներն իրականացնելը կխորացնի Իսրայելի մեկուսացումը ամբողջ աշխարհում։

Երկու աղբյուրներ ասել են, որ Թրամփը պնդել է, որ օգնել է Նեթանյահուին բանտից դուրս պահել՝ հղում անելով կոռուպցիայի գործով նրա դատավարության ժամանակ իր աջակցությանը։

Ամփոփելով Թրամփի Նեթանյահուին ուղղված հայտարարությունները՝ ամերիկացի պաշտոնյան ասել է. «Դու խելագար ես: Դու բանտում կլինեիր, եթե ես չլինեի: Ես փրկում եմ քո հետույքը: Հիմա բոլորը ատում են քեզ: Բոլորը ատում են Իսրայելին քո պատճառով»։

Զանգի մասին տեղեկացված երկրորդ աղբյուրը նշել է, որ Թրամփը «զայրացած» էր և մի պահ գոռացել է Նեթանյահուի վրա. «Ի՞նչ դժոխք ես սարքել»։

Ամերիկացի պաշտոնյան նշել է, որ Թրամփին մինչ այդ հրամցրել էին պատկեր, թե «Հեզբոլլահը» հարվածում է Իսրայելին, և որ Իսրայելը պետք է պաշտպանվի: Բայց վերջին օրերին նա եկել է այն եզրակացության, որ ամեն բան իրականում հակառակն է, եւ Նեթանյահուն անհամաչափորեն սրում է իրավիճակը։

Զրույցից հետո Թրամփը հայտարարեց, որ միջնորդավոերված խոսել է նաեւ «Հեզբոլլահի» հետ: Ըստ այդմ, Նեթանյահուն զորք չի ուղարկի Բեյրութի ուղղություն ու ուղարկվածներին էլ հետ կբերի:

Տե´ս նաեւ https://t.me/iravunk/67761 

Այս թեմայով Մակրոնը Թրամփի հետ պայմանավորվել է «լուրջ բանակցություններ սկսել» Ուկրաինայի հարցով Մերցի կուսակցությունը պարզապես չի գոյատևի մինչև «Ռուսաստանի հետ պատերազմը» Թրամփը վերջին րոպեին չեղարկեց հուսիթների վրա հարձակումը. The New York Times Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Իրանը խոշոր ուժեր է տեղակայել բոլոր սահմաններում՝ հնարավոր ցամաքային հարձակումը հետ մղելու համար