«Հրապարակ»․ Կալանավորել են նախկին հրամանատարին, ով ասել է` գյուլլելու է հայրենիքի թշնամիներին

«Հրապարակ»-ը գրում է.

«Մի քանի օր է՝ տնային կալանքի մեջ է Կիրանց գյուղից սերված, ազատամարտի ակտիվ մասնակից Արայիկ Ղազարյանը։

Մայիսի 11-ին «Հայաստան» դաշինքի ղեկավարների, Ռոբերտ Քոչարյանի Դիլիջան քարոզչական այցի ժամանակ Արայիկ Ղազարյանը հայտարարել է, որ ինքը Կիրանցի պատի տակ գյուլլելու է Հայաստանի թշնամիներին, հայրենիքի դավաճաններին։ Ասել է նաև, որ ինքը եկել է Մոսկվայից, ՀՅԴ անդամ է եւ «Հայաստան» դաշինքի համար ակտիվ քարոզչություն է անում։

Նա մեզ ասել էր, որ ինքն ամեն օր սպասում է իր ձերբակալությանը, քանի որ միշտ դեմ է եղել Կիրանցի հողերն Ադրբեջանին հանձնելուն եւ դա չի թաքցրել։

Ա․ Ղազարյանը 1990-ականներին եղել է հրետանային դիվիզիոնի հրամանատար, ակտիվ մասնակցություն է ունեցել սահմանի պաշտպանությանը։ Նրա եղբայրը՝ «Բուդուլայ» մականունով ոստիկան Արմեն Ղազարյանը 1992թ․ հունիսի 14-ին հերոսաբար զոհվել է Ներքին Ոսկեպարում մղված մարտի ժամանակ։

Ղազարյանի փաստաբան Ռաֆիկ Մելքոնյանից տեղեկացանք, որ նրան մեղադրանք է առաջադրվել ԶԼՄ-ներով բռնության կոչ անելու հոդվածով, նրա նկատմամբ մեկամսյա ժամկետով խափանման միջոց է ընտրվել տնային կալանքը։ Նա տնային կալանքը կրում է Իջևան համայնքի Ազատամուտ բնակավայրում գտնվող իր բնակարանում»։

Ամբողջական հոդվածը` սկզբնաղբյուրում

Տե´ս նաեւ https://t.me/iravunk/67668 

Այս թեմայով Թուրքիայում նախկին նախարար է կալանավորվել Բրիտանիայի համար ավելի մեծ վտանգ է ոչ թե Չինաստանը, այլ` Ռուսաստանը. MI6–ի նախկին ղեկավար «Իրավունք». Ինչ պաշտոն են խոստացել նախկին ԱԽՔ-ին Պուտինն իրեն զգում է «ձիու վրա». ՌԴ նախագահի նախկին խորհրդական Շնորհավորում ենք Վեհափառ Տիրոջը, մաղթում քաջառողջություն, արևշատություն և կորով