ԱՐԹՈՒՐ ԱԲՐԱՀԱՄԸ ՄԱՍՆԱԿՑԵԼ Է ԵՐԵՎԱՆՈՒՄ ԿԱՅԱՑԱԾ ԲԱՐԵԳՈՐԾԱԿԱՆ ՎԱԶՔԻՆ

Հայ պրոֆեսիոնալ բռնցքամարտիկ, Աշխարհի բազմակի չեմպիոն ԱՐԹՈՒՐ ԱԲՐԱՀԱՄԸ մասնակցել է Հայաստանում առաջին անգամ կայացած Wings for Life World Run աշխարհահռչակ բարեգործական վազքին։

Այս մասին Iravunk. com -ի մարզական լրագրողի հետ զրույցում նշեց Արթուր Աբրահամի մամուլի խոսնակ ՍԻՐԱՆ ԳՐԻԳՈՐՅԱՆԸ։ Wings for Life World Run -ը Հայաստան է բերվել Red Bull -ի կողմից։ Միջոցառման մասնակցության վճարների և նվիրատվությունների 100 % ուղղվում է գիտական հետազոտությունների, աջակցելով ողնուղեղի վնասվածքների բուժման, նոր հնարավորությունների ստեղծմանը։ Երևանում Wings for Life World Run աշխարհահռչակ, բարեգործական վազքին մասնակցել է նաև հայկական ծագմամբ պարող, խորեոգրաֆ և Flying steps բեյքդանս խմբի համահիմնադիր ու ստեղծագործական ղեկավար, գերմանաբնակ Վարդան Բասիլը։ Նա նաև Flying steps Entertainmental -ի գործադիր տնօրենն է և համաշխարհային ճանաչում ունեցող շոուների ստեղծող, ինչպիսիք են Red Bull Flying Beeh-ը։ Սա սովորական վազք չէ, այստեղ չկա վերջնակետ, վազում ես այնքան, մինչև քեզ հասնի վիրտուալ Catcher Car -ը։Միանալով Wings for Life World Run - ին, Հայաստանը դառնում է մեծ ու կարևոր գաղափարի մասնակից 100 հազարավոր վազորդների ամբողջ աշխարհով մեկ, միաժամանակ մեկնարկում են վազքը, համախմբելով մեկ ընդհանուր գաղափարի շուրջ, աջակցելու նրանց, ովքեր չեն կարող վազել։ Wings for Life World Run -ի շրջանակներում 192 երկրից 346.527 մասնակիցներ հավաքել են 9,2 միլիոն եվրո ողնուղեղի հետազոտությունների համար, նշեց Սիրան Գրիգորյանը։

ՀՈՎՀԱՆՆԵՍ ՍԱՐԳՍՅԱՆ

Այս թեմայով Սիրո անունը Հայաստան է․ Սպարտայի ջերմ գրառումը Արարատ-Արմենիայի հետ խաղից հետո Բռնցքմարտի ԵԱ-ում այսօր Հայաստանն ունի 5 բռնցքամարտիկ ԲՌՆՑՔԱՄԱՐՏԻ ԵԱ. ՀԱՅԱՍՏԱՆՆ ՈՒՆԻ 4 ՆԵՐԿԱՅԱՑՈՒՑԻՉ ՀԱՅ ԲՌՆՑՔԱՄԱՐՏԻԿՆԵՐԸ ՄԵԿՆԵՑԻՆ ԲՈՒԼՂԱՐԻԱ ՄԱՍՆԱԿՑԵԼՈՒ ԵՎՐՈՊԱՅԻ ԱՌԱՋՆՈՒԹՅԱՆԸ։ Ես գիտեմ՝ ինչպես հաղթել Արման Ծառուկյանին. Մաուրիսիո Ռուֆի