Ռուսասկան ուժերը «պարկերի» մեջ են սեղմում Կոնստանտինովկայի ուկրաինական կայազորը. Փորձագետներ (Քարտեզ)

Փորձագիտական աղբյուրները վերջապես կարողացան տեղորոշման միջոցով ներկայացնել ճակատային այն գիծը, որը ներկայումս ստեղծվել է Կենդրոնական Դոնբասում ուկրաինական վերահսկողության վերջին խոշոր հենակետում` Կոնստանտինովկայում:

«Կոնստանտինովկայի ուղղությամբ իրավիճակը մնում է լարված»,- իրավիճակը գնահատում են նաեւ ուկրաինական վերլուծաբանները։ Նրանց ներկայացմամբ, ռուսական զորքերն արդեն նկատվել են «Կվարսիտ» ձեռնարկությունում, «Ստրոյստեկլո» գործարանում, Կոնստանտինովկայի քիմիական գործարանում և «Խիմիկ» ամառանոցային կոոպերատիվում (կետերը տեղորոշված են քարտեզում)։

Իսկ ահա ռուսական փորձագիտական աղբյուրները ներկայացնում են.

«Ռուսաստանի զինված ուժերը «պարկերի» մեջ են սեղմում Կոնստանտինովկայի Ուկրաինայի զինված ուժերի կայազորը (Երկրորդ քարտեզում)։

Ռուսական զորքերը ներխուժել են Կոնստանտինովկայի հյուսիսային մաս և փաստացի հասել քաղաքի արևելյան թաղամասերը պահող Ուկրաինայի զինված ուժերի ստորաբաժանումների թիկունքը։ Հարավում 8-րդ գվարդիական բանակի հարձակողական ուժերն արդեն ճեղքել են թշնամու պաշտպանությունը 1-ին և 2-րդ միկրոշրջաններում, իսկ «Ցենտրալնիի», «Ցինկովիի» և «Սպուտնիկի» համար մարտերը մոտեցնում են ևս մեկ «պարկի» փակմանը։

Ուկրաինայի զինված ուժերի համար սա այլևս միայն առանձին դիրքերի կորուստ չէ, այլ կայազորի միջուկի ոչնչացման սպառնալիք, որից հետո Կիևին կմնա միայն շարունակել հետևակայիններին քաղաքային մսաղաց նետելը»:

Այսպիսով, թեեւ ուկրաինական փորձագետները փորձում են կոնկրետ տեղորոշված կետերի ֆիքսումից առաջ չանցնել, սակայն դա էլ է բավական: Կետերը, որոնք ներկայացնում են նրանք, որպես ռուսական ուժերի ներկայության փաստեր, արդեն իսկ հուշում են, որ դրանցից հարավ գտնվող գոտիկ կա´մ ռուսական վերահսկողության տակ է կա´մ էլ, ինչպես ռուսական փորձագետներն են նշում, այնտեղ դեռ ուկրաինական ուժեր կան, բայց շրջապատման վիճակով:

Տե´ս նաեւ https://t.me/iravunk/67632 

Այս թեմայով «Դոբրոպոլեի կաթսա». Ուկրաինական ռազմավարական քաղաքը շրջապատված է «Ահեղ դատաստանի» ձմեռ է գալիս. Ուկրաինական պաշտոնյա Ուկրաինական աղբյուրների տարածել են ռուսական «Գերան-5» հրթիռային անօդաչուի թռիչքի եւ թիրախի խոցման կադրերը (Տեսանյութ) Ոտնակոխ անելով Փաշինյանի այս հայտարարությունները` թփռոշացած ՔՊ-իստները գործող քաղաքապետ են «խաղացնում».ուր է հակակոռուպցիոնը Ռուսական բանակը կարող է մտնել Զապորոժե այս ձմռանը. Ուկրաինական հրամանատար