Ուկրաինական ուժերը շատ վտանգավոր հարված բաց թողեցին Խարկովի արեւելյան ճակատում (Քարտեզ)

Ուկրաինական ուժերը շատ վտանգավոր հարված բաց թողեցին Խարկովի մարզի արեւելյան ճակատում` Դվուրեչնայայի ուղղությամբ: Ճակատային այս հատվածը ժամանակին միանգամայն թեժ էր, բայց երկար ժամանակ այստեղ լուրջ զարգացումներ չկար:

Եվ ահա, ռուսական ուժերը այս հատվածում բավականին խորը եւ արագ ճեղքումով գրավեցին Նովովասիլիվկա բնակավայրը, գրեթե ընթացքից մտնելով նաեւ Միտրոֆանովկա եւ առաջանալով դեպի Պետրո-Իվանովկա` Կրասմոե Պերվոեի հատվածում գործող ուկրաինական ուժերի թիկունք (Քարտեզում)։

Նովովասիլիվկայի նման արագ գրավումը, ըստ ամենայնի, հնարավոր եղավ ճակատային այս կարեւոր գոտուց ուկրաինական զգալի ուժեր Սումիի ճակատ նետելու արդյունքում (Տե´ս նաեւ https://iravunk.com/?p=341402&l=am): Արդյուն քում, բաց թողեցին շատ ծանր հարված, որն այս ճակատում կարող է ճակատագրական դառնալ:

Այսինքն, գրավելով Նովովասիլիվկա եւ, սպասելի է, Պետրո-Իվանովկայի հատվածը, ռուսները միանշանակ կզարգացնեն հարձակումը Սադովոդ-Շիպտովատոե ընդհանուր ուղղությամբ: Ընդ որում, հնարավորություն տալով ակտիվանալ նաեւ Դվուրեչնայայի հատվածի ուժերին: Զուգահեռաբար դուրս գալով նաեւ Կոլոդեզնոե բնակավայրի թիկունք, որը Խարկովի արեւելքում ուկրաինական կողմի հիմնական հենակետերից է:

Հաջողության դեպքում ռուսական ուժերը հարավից աքցանավորելու են Վելիկիյ Բուրլուկը, այն պարագայում, երբ այս հատվածի հյուսիսային թեւում` Վոլչանսկի ճակատում եւս ռուսական շատ ակտիվ հարձակում է զարգացնում:

Այս թեմայով Ուկրաինական անօդաչուները զանգվածային հարձակում են իրականացրել Վոլգոգրադի արդյունաբերական գոտու վրա. Ուկրաինական անօդաչուները խոշոր հարձակում են իրականացրել Լենինգրադի մարզում Հայաստանը Ռուսաստանի համար եղել է և կլինի շատ կարևոր երկիր. ՌԴ դեսպան Ուկրաինական լրատվամիջոցներ. Ռուսները պատրաստվում են հարվածել Կիևի հիդրոէլեկտրակայանին Անօդաչուի տեսախցիկը ֆիքսել է ռուսական 4 ФАБ սավառնող ավիառումբի միաժամանակյա հարվածն ուկրաինական պաշտպանական կետին (Տեսանյութ)