Փնտրվում է Հիտլերը, որին չեն հուղարկավորում

Օրեր առաջ նախընտրական քարոզարշավի շրջանակներում, որը տեղի էր ունենում Ավան վարչական շրջանում, քաղաքացին, մոտենալով ՔՊ կուսակցության առաջնորդ Նիկոլ Փաշինյանին, ամենայն լրջությամբ ասաց, որ Հիտլերը մեռած է, թաղած չէ, որովհետեւ հուղարկավորելու համար տեղ չեն հատկացնում:

«Իրավունք»-ը փորձեց հասկանալ` ինչո՞ւ Հիտլերին դեռ չեն հուղարկավորել: Սա զավե՞շտ, թե հանդիպում դաժան իրականության հետ, գուցե իսկապե՞ս եղել է Հիտլեր անունով հայ: Թե արդյոք վերջին օրերին նման անվամբ անձ մահացել է, եւ եթե՝ այո, ապա ինչո՞ւ մինչ հիմա չի հուղարկավորվել, նախ փորձեցինք պարզել Թաղման բյուրոյից, նույն ինքը՝ «Բնակչության հատուկ սպասարկում» կենտրոնից: Չստացավ հստակ պատասխան, քանի, որ ինչպես փոխանցեցին, կենտրոնը չի տիրապետում անձանց տվյալներին, նշեցին, որ կարող են միայն հստակ ասել՝ արդյոք նման անվամբ անձ հուղարկավորվել է, թե՝ ոչ: Սակայն քանի որ Հիտլերի ազգանունը հայտնի չէր, հստակեցում չստացանք: Այնուհանդերձ, նկատենք, որ նման անուն գրեթե չի պատահում եւ եթե կա էլ, ապա դա միայն այն Հիտլերն է, որին շարունակեցինք փնտրել:

Անշուշտ, «Իրավունք»-ը զանգահարեց նաեւ Ավան վարչական շրջան: Երկու օր անց կարողացանք կապ հաստատել Ավան վարչական շրջանի ղեկավարի աշխատակազմի քարտուղարի ժամանակավոր պաշտոնակատար ԱՇՈՏ ԶԱՔԱՐՅԱՆԻ հետ: Վերջինս ասաց, որ նման ինֆորմացիայի չեն տիրապետում:

«Բնակչության պետռեգիստրը մենք չենք վարում: Դրա լիազոր մարմինը ՀՀ ՆԳՆ միգրացիայի եւ քաղաքացիության վարչությունն է: Չենք կարող ասել` նման անվամբ անձ հաշվառված է կամ բնակվում է Ավան վարչական շրջանում, բայց մեզ նման օրինակ անձ հայտնի չէ»,- ասաց Զաքարյանը:

Ինչեւէ, որքան էլ զավեշտ հիշեցնի այս պատմությունը, ակամայից հիշեցնում է՝ «Տերովին տերն է տարել, անտերին` գելը» ասացվածքը, ու բոլորովին չբացառենք, որ հնարավոր է եւ իսկապես Հիտլերին դեռ չեն հուղարկավորել: Նաեւ չբացառենք, որ տվյալ տիկինը շատ սուր հումոր է ունեցել եւ նման կերպ հայտնել է իր հեգնանքը գործող իշխանությանը:

ՆԱՆԱ ՍԱՐԳՍՅԱՆ

Այս թեմայով Одинокий самец Лев Чандр ищет себе друга. ԸՆԿԵԼ ՓԱՆՋՈՒՆԻ Ֆինլանդիայում Հիտլերին առաջադրել են՝ որպես տեղական ընտրությունների թեկնածու Պատերազմ հրահրեց Կիևը, իսկ Պուտինը Հիտլեր չէ. Ֆրանսիացի փիլիսոփա, նախկին նախարար Աշխարհում թափ է առնում ստորանալու աստիճան քծնելու ուրվականը. Հայտնի փաստաբանը հայտարարությամբ է հանդես եկել Ալիեւի շրջանն անցել է, մանեւրելու հնարավորությունը՝ սպառվել. Բալասանյան