Հայաստանն ուղղակի կարող է «սեղմվել» Իրանի, Ռուսաստանի, Թուրքիայի ու Ադրբեջանի արանքում․ Զաքարյան

ՀՀԿԳործադիր մարմնի անդամ, ՀՀ պաշտպանության նախարարի նախկին առաջին տեղակալ Արտակ Զաքարյանը գրում է.

«Երբ ժողովրդին ասում եք՝ «տե՛ր կանգնեք խաղաղությանը», գոնե տեղյա՞կ եք, որ մյուս կողմից, ձեր քայլերով, այդ նույն ժողովրդին տանում եք նոր, հավանական ռազմական վտանգին ընդառաջ:

Մեծ խելք պետք չէ՝ հասկանալու համար, թե ինչպես են ՔՊ-ականներն անգիտակցաբար «եփում» հաջորդ սպառնալիքը:

Ամեն օր նայեք քարտեզին և ուշադիր հետևեք աշխարհում տեղի ունեցող իրադարձություններին:

Հյուսիսից-հարավ՝ Ռուսաստանի և Իրանի միջև, Արևմուտքից-Արևելք՝ Թուրքիայի և Ադրբեջանի միջև գտնվող Հայաստանը, ստեղծված անորոշ ու կոնֆլիտածին իրավիճակներում, որոշել է «Եվրամիություն խաղալ»:

Ժողովրդական մի ասացվածք կա. «Ուղտի պարը կամրջին է բռնում»: Ինչպես իրենց գործողություններով Արցախում պատերազմի առիթներ տեցին, այնպես էլ Հայաստանի համար են ստեղծում հաջորդ լուրջ սպառնալիքը:

ՔՊ-ում հասկանո՞ւմ են արդյոք, որ իրենց այսօրվա քաղաքականության արդյունքում, Հայաստանն ուղղակի կարող է «սեղմվել» Իրանի, Ռուսաստանի, Թուրքիայի ու Ադրբեջանի արանքում:

Ռեսուրսների ու կոմունիկացիաների համար մղվող գլոբալ հակամարտության ընթացքում, բոլոր կողմերին ազդեցության գոտիներ և հենարաններ են հարկավոր: Արևմուտքը՝ ելնելով իր շահերից, ձգտում է հիմնավորվել Կովկասում (Հայաստանում): ՌԴ-ի և Իրանի համար՝ դա կարմիր գիծ է: Թուրքիան և Ադրբեջանը պատրաստ են մաքսիմալ օգտվել այդ իրավիճակից: Իսկ ո՞ւմ շահերից ելնելով է Հայաստանը «գնում» դեպի հաջորդ ռեգիոնալ հակամարտություն…

Սիրելի հայրենակի՛ց՝ հերթական անգամ մի խաբվիր ՔՊ-ի ստերին,

ՏԵՐ ԿԱՆԳՆԻՐ ՀԱՅՐԵՆԻՔԻ՛Դ»:

Այս թեմայով Կգտնվի՞ արդյոք գոնե մեկ միջնորդ, որի խոսքը հուսիներն իսկապես պատրաստ են լսել ու հարգել. Արտակ Զաքարյան Այս ամենն ակնհայտ է, որ միայն Հայաստանի «հագով չէ». Արտակ Զաքարյան Զաքարյան․ Մերձավոր Արևելքում էսկալացիան շարունակվում է.Արտակ Զաքարյան Սաուդցիները սխալ հաշվարկ կատարեցին՝ տարածաշրջանում. Արտակ Զաքարյան Նիկոլը չի ցանկանում ընտրել ԵՄ կամ ԵԱՏՄ: Նա փորձում է կողմերի վրա «վաճառել» այդ ընտրության իրավունքը. Արտակ Զաքարյան